Ovanthu ovanyingi tyina vasoka ovitateka mavakala navio mo 2024, vetupu apa vapamena. Mahi, onthwe tuna umwe apa tupondola okupamena. Opi?

 Ombimbiliya yapopia okuti Huku meya okumanako ovitateka aviho vitukalesa notyiho, vimoneka ngoti kamavipu-ale. Apa katutu, Huku wati: “makasekuna ononkhuka momaiho avo, kakukankhiwa vali, kakukalilwa vali, kakukaululwa vali onkhwo, nii onongembia kambukakala-ko vali.” — Eholololo 21:4.

•   Opo unoñgonoke vali etyi Ombimbiliya ipopia tyayemba kovipuka mavikamoneka komutwe, tanga onthele yati: “Você Pode Acreditar Num Futuro Melhor.”

 Ombimbiliya ipopia ovipuka oviwa matukakala navio komutwe, ya okusoka kuvio tyipondola okutukwatesako okulipola omalusoke apenga, atukala nomalusoke aviuka. (Ova Loma 15:13) Ombimbiliya ina onondunge mbupondola okutukwatesako okulwisa ovitateka tukala navio hono, ngeetyi oluhepo, nokulingwa onya, nomauvela.

•   Tala oñgeni etyi Ombimbiliya ipopia tyakwatesako omulume umwe okukala nombembwa, namphila apa ekulila opo vanthu vahepa. Tala ovindiu yati: Juan Pablo Zermeño: Siovaa Wankhuatesako Okukala Nomuenyo Ukahi Nawa.

•   Tala oñgeni Ombimbiliya ipondola okukukwatesako tyina ukalela vala okulivela onombei, natyina walinga otyiho, natyina wamankhisa umwe uhole. Tanga onthele yati: “Okuti Ndyipondola Okuvasa mo Mbimbiliya Onondaka Mbumphameka?”

•   Tala oñgeni Ombimbiliya yakwatesako omuhikwena umwe ankho efwalali, tupu ankho “una vala ononthumba-ungo.” Tala ovindiu yati: Deixei as Armas Para Trás.

 Linga tyimwe opo enima lyo 2024 likale ewa kwoove novo meumbo liove. Nonoñgonoka vali oñgeni Ombimbiliya ipondola okukukwatesako. Hetekela Okulilongesa Ombimbiliya Nonthwe. Tala oñgeni Huku apondola okukwavela “ombembwa” pahetyino, ‘nekevelelo komutwe wandyila.’ — Selemiya 29:11.