Mutano, 24 ya Fevereiro yo 2023, ovilwa ko Ucrânia pahe ñgaa mavivetesa enima. Ovanthu vamwe vapopia okuti omafwalali ena 300.000 o Ucrânia no Rússia vaipawa ya amwe eliveta-veta unene. Tupu ovanthu vena 30.000 vankhila movilwa ovio. Mahi tyipondola valamba-le pwovo vapopiwa opo.

 Otyipuka otyo tyisoyesa mokonda natyike tweete tyilekesa okuti ovilwa ovio mavipu.

•   “Pahe ñgaa matutuukisa enima tunde apa omafwalali o Rússia ahimbika okulwisa otyilongo tyo Ucrânia, mahi mokutala nkhele ovilwa kamavitalama-le. Mahi tyina utala ñgaa, tyati vala apehena-le ou matilisa mukwavo, atyehena okuti ngwe mavatomphola-vo avati pahe tyikale-po vala.” — NPR (National Public Radio), 19 ya Fevereiro yo 2023.

 Ovanthu ovanyingi tyiveihama umwe unene okutala omalwihamo nemone ovilwa vatyo ovio novikwavo vali mouye vina nokweeta. Oityi Ombimbiliya Yapopia Tyitulisa omutima? Okuti nthiki imwe ovilwa mavikapwa-ko?

 Ombimbiliya ipopia ovilwa vimwe mavikayovola ovanthu, viahamekevehanya-ko. Ovilwa viatyo ovio viatiwa ovilwa vyo Alumagedom, “ovilwa vionthiki onene ya Huku Wepondolo Aliho.” (Eholololo 16:14, 16) Movilwa ovio, omo Huku makamanako ovatumini vouye veli vala nokweta-ko ovilwa ovinyingi vinyona vala. Opo unoñgonoke omokonda yatyi tupopila okuti o Alumagedom oyo vala maiyeta ombembwa mouye, tanga ononthele ombo:

•   “Ovilwa Vyo Alumagedom, Oityi?”

•   “O Alumagedom Otyipuka Otyiwa!”