Okulwa nonombela mbutuka kounye tyakakele unene mouye mo 2023. Okuti tyivilwa?

•   “Ounye, nokwahahande povanthu tyinyona ekongoko lietu, atwahakala nawa.” Tyapopiwa nondotolo itiwa Vivek Murthy, yoko Estados Unidos. Mahi wayawisako vali wati: “Onthwe tutyivila umwe okulityilika ovipuka ovio.” Tutyivila ñgeni? “O mokulingila vakwetu ovipuka namphila ovitutu mahi vipameka oupanga wetu navo.” a

 Ounye tuli nokupopia apa, haunye-ko omunthu akala nao tyina eke. Omunthu uliwa umwe nounye otyo eli povanthu ovanyingi. Ombimbiliya ipondola okukukwatesako movipuka aviho vikulisa nounye. Ina onondunge mbupondola okutukwatesako atutyivili okulwisa ounye, mokupameka oupanga wetu na vakwetu.

 Linga omunthu wokutyivila okutomphola. Otyo tyahanda okuti ove una okupopia etyi uliivite, ove tupu utehelela etyi vakwenyi vapopia. Tyina ove ulekesa vali unene okuti usuka na vakwenyi, noupanga wenyi upama vali unene.

•   Onondunge mb’Ombimbiliya: “Amwahatale vala kweetyi onwe mwene musuka natyo, amutale no kweetyi vakwenyi vesuka-vo natyo.” — Ova Filipu 2:4.

 Yawisa komapanga ove. Tyipaka umwe komutima tyokukala nomapanga omati elikalaila, vomihoko vielikalaila, no vovilongo vielikalaila.

•   Onondunge mb’Ombimbiliya: “Handyulei omitima vienyi.” — 2 Ova Kolindu 6:13.

 Opo unoñgonoke etyi una okulinga upameke oupanga wove na vakwenyi, tanga onthele yati: “Satisfazer a Sede de Amizades.”