1. Tukalei-vo noluembia nga Huku,

Wevela nonkhenda:

Jeova Huku tyili utuhole.

Wetuavela ongeleka

Etyi atuma Omona ehole,

Na etuevele ononkhali mbetu.

Muetyi alinga, tyili utuhole.

Huku yetu muene⁀utuhole.

2. Tyina tukala ovakwa-kankhenda

Tupopia otyili,

Tukuatesako ovanthu aveho,

Ovakulu novakuendye.

Tulievelei oviponyo vietu,

Ohole yetu mailiyawisa.

Tutalelei ku Huku woluembia.

Tukalei noluembia ngae.

3. Ohole tuna oyo itulunda

Tukale ombunga.

Tate Jeova, Oe wetukonga:

“Tulikuate okapandi.”

Ohole tuna ituimbukisa.

Matulongeswa Mondaka ya Huku.

Ovakuatate mavetulondola

Nawa-nawa. Huku ohole.