Onombangi mba Siovaa novanthu ovanyingi, mavahinangela ononkhia mba Sesusi Muvali 7 ya Abril yo 2020. Mahi mokonda yomukihi coronavirus, enima lino ehinangelo malilingwa monkhalelo yelikalela. Ovanyingi mouye auho mavatale vala ovidiu yangalavalwa.

Mokonda yomukihi oo, ovatumini movilongo ovinyingi vailika omaliongiyo omanene. Ngotyo, omawaneno omanyingi mouye auho, ekahi nokutala omaliongiyo angalavalwa. Tupu, ongotyo maalingi ehinangelo liononkhia mba Sesusi. Ovidiu yatyo yapakwa mo jw.org.

Enima liokualamba, ovanthu vali pehinangelo liononkhia mba Sesusi valamba po nomiliau 20. Tukevela okuti, ovanthu ovanyingi mavalingi ehinangelo liononkhia mba Sesusi, mavapolo ovidiu mo jw.org. avatalela mo notelefone mbavo, nomo nokumputadole no movipuka ovikuavo.

Movilongo ovinyingi omukihi oo ukahi nokuliyandyana unene. Ngotyo, ovakuatate vetu vesukisa okukala tyalunguka mokutavela etyi ovatumini vapopia. Mahi mokonda, onthuwe tuyumba onthumbi mu Siovaa, tuatokola okutavela otyitumino tya Sesusi, tyokuati: “Tyilingei-lingei apeho mehinangelo liange.” — Luka 22:19.