Monthiki 3 ya Março yo 2020, ombonge ikala mepunda-umbo lyo Yalta, ko Crimeia, maipopisa omphela yomukuatate Artem Gerasimov. Omukoyesi wapopia okuti omukuatate Artem mapakwa mokaleya akala-mo omanima epandu notyihupe, mokonda Ombangi ya Siovaa.

Omukuatate Gerasimov wakuatwa iya akoyeswa monthiki 20 ya Março yo 2019, etyi opulisa vanyingila monondyuo etyinana mbo Nombangi mba Siovaa momapunda-umbo Alupka no Yalta, ko Crimeia. Etyi vekahi nokuovola momaumbo oo, opulisa aityindi-po ono kombutandole no nomakina ononkhuavo, atee umwe Ombimbiliya. Konyima yotyo, ovakoyesi avahungu omukuatate Artem Gerasimov okuti ukahi nokuonganeka ovilinga vihapondola okulingwa iya ukahi nokuonganeka ovanthu opo evelongese Ombimbiliya.

Tuna onthumbi yokuti Siovaa makuatesako ovakuatate nonomphange okutualako ‘okukola omutima’ tyina vekahi nokumoneswa ononkhumbi mokonda yekolelelo liavo. — Salmo 138:3.