KAMPEYINI Y’OMUTAANO
Eki Obukama bwa Ruhanga Buraakorere Abategyeki Abarikurya Enguzi
Abantu nibenda abeebembezi ba gavumenti abarikwesigwa, ahakuba baruhire abategyeki abarikurya enguzi. Okucondooza okwashohoziibwe omu 2023 kukooreka ngu abeebembezi ba gavumenti nibo barikukirayo kwesigwa kakye. a
Baibuli neegamba ahari gavumenti ei omwebembezi waayo arikwesigirwa kimwe, kandi ori ow’amazima, otarikubaasa kurya enguzi na kakye. Gavumenti egi n’Obukama bwa Ruhanga, kandi Omwebembezi waayo ni Yesu Kristo.—Isaaya 9:7.
Yesu omu byafaayo bye byona atwire naayoreka ngu buzima naafayo aha bantu. (Matayo 9:35, 36) Obu ari Omugabe w’Obukama bwa Ruhanga, naija kuhwera boona abarikwikiriza obwebembezi bwe kutunga oburingaaniza n’obusingye.—Zaaburi 72:12-14.
a Edelman Trust Barometer Global Report 2023.