GUMA NOOREEBA!
Omwaka 2023 Gubaire Guri ogw’Okwerarikirira—Baibuli Neegamba Ki?
Omu 2023, ebibaireho byorekire gye ngu buzima turi omu biro ebi Baibuli erikweta ‘eby’emperu.’ (2 Timoseo 3:1) Yetegyereze oku ebirikubaho birikuhikaana n’ebi Baibuli yaagambire kare ngu bikaba nibiija kubaho omu bwire bwaitu.
Baibuli okugamba aha birikubaho omu nsi
‘Entaro n’amakuru agarikukwata aha ntaro.’—Matayo 24:6.
“Emihondano y’obushaarizi ekanyire munonga omu bicweka bingi eby’ensi.” a
Reeba ekicweka “N’oha Oraajune Abatari b’Amahe?” na “Enshohoza y’Amahe omu Nsi Yoona Neerenga Obutabarwa 2 Eza Doora.”
“Emitsitsa omu myanya mingi.”—Mako 13:8.
“Kuruga aha kutandika kw’omwaka 2023, habaireho emitsitsa 13 ey’amaani agarikurenga ahari 7 omu nsi yoona, erikukirayo omu byafaayo by’omwaka gumwe kuruga obu emitsitsa etandika kuhandiikwaho.” b
Reeba ekicweka “Omutsitsa gw’Amaani Guteire Turkey na Syria.”
“Ebirikutiinisa.”—Luka 21:11.
“Obwire bw’obutagatsi bwingi obw’ensi yoona buhwaireyo haatandika okubira kw’ensi yoona.”—Bikagambwa António Guterres, omuhandiiki omukuru owa UN. c
Reeba ekicweka “Okwotsya Ekirenga omu Nsi Yoona omu Kyanda kya 2023.”
‘Eibura ry’eby’okurya.’—Matayo 24:7.
“Omwaka 2023 nagwo gwongyereire amaganya ababaire nibagumirwa kubaisaho amaka gaabo.” d
‘Ebiro by’akabi kaingi ebigumire kwemera.’—2 Timoseo 3:1.
“Omuntu omwe ahari munaana omu nsi yoona naaba aine endwara y’omutwe.” e
Reeba ekicweka “Disturbing Decline in Teen Mental Health.”
Nituteekateeka ngu nihaza kubaho ki omu 2024?
Tihariho orikumanya gye ekiraabeho omu 2024. Kwonka ebirikubaho omu nsi nibyoreka ngu juba Obukama bwa Ruhanga, nari gavumenti y’omu iguru, neija kuza omu mwanya gwa gavumenti z’abantu, reero ehezeho byona ebirikureetera abantu kubonabona n’okwerarikirira.—Danieli 2:44; Okushuuruurwa 21:4.
Kwonka eki kitakabaireho, ku turaagume twayerarikirira, tushabe Ruhanga obuhwezi. Baibuli neegira eti:
“Ku ndaagume naatiina, ninkwesiga.”—Zaaburi 56:3.
Nitubaasa kworeka tuta ngu nitwesiga Ruhanga? Nitukuhiga kwega ebirikukiraho aha ki Baibuli erikuraganisa ahari nyentsya etarimu kubonabona. Teeraho kwejumba omu mushomo gwaitu gwa Baibuli otashashwire kureeba oku iwe n’eka yaawe murikubaasa kugasirwa omu bi Baibuli erikuraganisa.
a Enshonga z’Aheeru, “Ensi Eijwire Entaro: Niki Ekiri Enyima y’Emihondano y’Obushaarizi omu Nsi?” Bikahandiikwa Emma Beals na Peter Salisbury, Okwaikumi 30, 2023.
b Amakuru g’Emitsitsa, “Omu 2023: Emitsitsa y’Amaani Mingi Okuhenda Ebyafaayo,” Okwakataano, 2023.
c “Ebigambo by’Okwiguraho omu ruteerane rw’Ab’amakuru aha Mbeera y’Obwire eby’Omuhandiiki Omukuru” owa United Nations, Okwamushanju 27, 2023.
d Ekitongore ky’Eby’okurya eky’Ensi Yoona, “Eibura ry’Eby’okurya omu Nsi Yoona.”
e Ekitongore ky’Eby’amagara eky’Ensi Yoona, “Eizooba ry’Endwara z’Emitwe 2023,” Okwaikumi 10, 2023.
Noobaasa Kukunda n'Ebi
ENSHONGA EZINDI
Amatsiko Genyini Aga Nyentsya Nungi
Ahabw’enki ebiraganiso ebiri omu Baibuli nibitaana aha kuteebereza kw’abantu?
ENYEGYESA ZA BAIBULI ENKURU
Obukama bwa Ruhanga Niki?
Yesu omu buheereza bwe bwona, akeegyesa aha Bukama bwa Ruhanga kukira ebintu ebindi. Kumara ebyasha bingi, abakuratsi be batwire nibashaba ngu Obukama obwo bwije.
EBIBUUZO EBI BAIBULI ERIKUGARUKAMU
Noobaasa Kutunga Ebigambo Birikuhuumuriza omu Baibuli
Ebyahandiikirwe bihuumuriize baingi abaine embeera zigumire n’enyehurira mbi.
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
