GUMA NOOREEBA!
Eminyeeto Okweyongyera Kurwara Endwara z’Omutwe—Baibuli Neegamba Ki?
Orwokubanza, Febwari 13, 2023, ekitongore kya Centers for Disease Control and Prevention (CDC) omuri United States kikashohoza ripoota aha bikwatiraine n’endwara z’emitwe omu minyeeto ya U.S. Nikigambwa ngu abeegi omu mashomero g’ahaiguru ebicweka 40 ahari igana nibaguubwa kubi kandi beehwa amatsiko kumara obwire buraingwa.
Dr. Kathleen Ethier, orikukurira ekitongore kya Division of Adolescent and School Health (DASH), akagira ati: “N’obu turaabe tureebire endwara z’emitwe nizeeyongyera omu minyeeto omu myaka 10 ehingwire, hati ziri aha rurengo rw’ahaiguru, kandi abaishiki n’aboojo nibeeyongyera kugira n’ebiteekateeko by’okwenda kweita kukira ira.”
Ripoota omwe neegira eti:
Omwishiki omushogoyo nka 1 ahari 10 (ebicweka 14 ahari igaana) nibagyemwa kuteerana batarikwenda. Dr. Ethier naagira ati: “Eki buzima nikitiinisa. Ahakuba aha baishiki 10 emishogoyo abu orikumanya, obundi nk’omwe aharibo nari n’okukiraho, naaba yaahambirwe.”
Haihi omwishiki 1 omushogoyo ahari 3 (ebicweka 30 ahari igana) naaba yaateekateekireho kweita.
Haihi abaishiki emishogoyo 3 ahari 5 (ebicweka 57 ahari igana) nibaba nibeehurira kubi nari beehwaire amatsiko.
Emibaro egi buzima ti nungi. Obunyeeto bushemereire kuba obwire bw’okwesiima n’okushemererwa. Niki ekirikubaasa kuhwera eminyeeto kusingura amaganya agu baine hati? Baibuli neegamba ki?
Baibuli neeha eminyeeto obuhabuzi oburikukora
Baibuli neegamba butunu aha birikureeta amaganya ebiriho hati. Neebyeta “ebiro by’akabi kaingi” ebigumire kwemera. (2 Timoseo 3:1-5) Kwonka, Baibuli neeha obuhabuzi eminyeeto nyamwingi omu nsi yoona kubahwera kusingura n’obu baraabe baine oburemeezi. Yetegyereze ebicweka ebi ebirikwegamira ahari Baibuli.
Obuhwezi bw’eminyeeto kusingura enyehurira z’okweita
Obuhwezi bw’eminyeeto kusingura amaganya, okwehurira kubi, n’ebiteekateeko bigwire
From Sad to Glad (whiteboard animation)
Obuhwezi bw’eminyeeto kusingura abarahuzi
Noobaasa Kusingura Abarikukurahura Otarwanire (vidiyo y’ebishushani bya katuuni)
Obuhwezi bw’eminyeeto kusingura okugyemeserezibwa kuteerana
Baibuli neeha abazaire obuhabuzi oburikukora
Baibuli neeha n’abazaire obuhabuzi oburikukora kugira ngu bahwere abaana baabo omu buremeezi obu barikurabamu. Yetegyereze ebicweka ebi ebirikwegamira ahari Baibuli.
Noobaasa Kukunda n'Ebi
OMUNAARA GW'OMURINZI
Oburemeezi bw’Endwara z’Omutwe omu Nsi Yoona
Endwara z’omutwe nizibaasa kuteganisa abantu b’emyaka yoona nari embeera zoona. Yetegyereze oku obuhabuzi bwa Baibuli burikubaasa kuhwera abarwaire endwara z’omutwe.
ENYEGYESA ZA BAIBULI ENKURU
Ahabw’enki Ruhanga Naareka Okubonabona Kukabaho?
Abantu baingi nibebuuza ahabw’enki ensi eijwiremu okubonabona n’obwangani. Baibuli neeha eby’okugarukamu ebirikuhuumuriza.
EBIBUUZO EBI BAIBULI ERIKUGARUKAMU
Noobaasa Kutunga Ebigambo Birikuhuumuriza omu Baibuli
Ebyahandiikirwe bihuumuriize baingi abaine embeera zigumire n’enyehurira mbi.
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
