GUMA NOOREEBA!
Emizaano y’Ensi Yoona shi Buzima Neebaasa Kureetaho Obumwe?—Baibuli Neegamba Ki?
Emizaano y’ensi yoona eya 2024, neeteeberezibwa kureebwa abantu obuhumbi butaano kuruga omu mahanga 206 ageejumbire omu mpaka ezi. “Empaka ezi nizigaita ensi omu busingye,” bikagambwa Thomas Bach, orikwebembera Akakiiko k’Emizaano y’Ensi Yoona. “Ka twesiime ahabw’omutima gw’emizaano egi ogw’okutwarizana omu busingye nk’omuntu omwe, n’okukwatanisa n’obu turaabe twena tutarikushushana.”
Empaka z’Emizaano y’Ensi Yoona shi nizibaasa kuhikiiriza ebigyendererwa bikuru ebi? Hariho amatsiko goona ag’okutunga obusingye obwabuzima n’obumwe?
Obukomooko bw’obusingye n’obumwe?
Emizaano y’Ensi Yoona ey’omwaka ogu neekira aha kuba emizaano kyonka. Emizaano egi ekwatsire aha nshonga z’abantu n’ez’eby’obutegyeki ezirikubaganisamu abantu. Enshonga ezi nizitwariramu obugabe bw’abantu, okushoroora omu rangi, okwebaganisamu omu diini, n’okukirakirana kw’abantu.
Emizaano y’Ensi Yoona nk’egi, neeba eri ey’okushemeza abantu. Kwonka, emizaano egi neeyoreka gye emiteekateekyere y’abantu ey’okwebaganisamu kandi neegyenegyeza, omu mwanya gw’okureetaho obusingye obw’obutwire n’obumwe.
Baibuli ekagamba kare aha miteekateekyere erikuremesa obumwe kubaho hati. (2 Timoseo 3:1-5) Okwega ebirikukiraho aha bunabi bwa Baibuli obu, shoma ekicweka, “Did the Bible Predict the Way People Think and Act Today?”
Amatsiko genyini ag’okugira obusingye n’obumwe omu nsi yoona
Baibuli erimu amatsiko genyini ag’okugira obusingye n’obumwe omu nsi yoona. Neeraganisa ngu abantu boona omu nsi nibaija kuba nibategyekwa gavumenti emwe, erikwetwa “Obukama bwa Ruhanga.”—Luka 4:43; Matayo 6:10.
Yesu Kristo Omugabe w’Obukama obwo, naija kureetaho obusingye omu nsi yoona. Baibuli neegira eti:
‘Abahikiriire nibaija kugogyeera, bagire obusingye bwingi.’—Zaaburi 72:7.
‘Naija kujuna omukyene, ku araamutakire. Naija kucungura amagara gaabo, agaihe omu kubonabonesibwa n’omu mwaga.’—Zaaburi 72:12, 14.
Nangwa na hati, enyegyesa za Yesu zireetsireho obumwe omu bukaikuru bw’abantu omu mahanga 239. Abakristaayo Abajurizi ba Yehova omu nsi yoona, beegire kuba ab’obusingye. Okumanya oku eki kirikubaho, shoma magaziini y’Omunaara gw’Omurinzi eine omutwe, “Okuzibira Rwango Kugumizamu.”
Noobaasa Kukunda n'Ebi
ENYEGYESA ZA BAIBULI ENKURU
Obukama bwa Ruhanga Niki?
Yesu omu buheereza bwe bwona, akeegyesa aha Bukama bwa Ruhanga kukira ebintu ebindi. Kumara ebyasha bingi, abakuratsi be batwire nibashaba ngu Obukama obwo bwije.
ENSHONGA EZINDI
Amatsiko Genyini Aga Nyentsya Nungi
Ahabw’enki ebiraganiso ebiri omu Baibuli nibitaana aha kuteebereza kw’abantu?
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
