KAMPEYINI Y’EKIIJUTSYO
Yesu Naija Kumaraho Entaro
Obu Yesu yaabaire ari omu nsi, akooreka ngu naakunda abantu munonga, yaahika n’aha kuhayo amagara ge ahabwabo. (Matayo 20:28; Yohaana 15:13) Juba, naija kugaruka kworeka rukundo ei ainiire abantu, arikukoresa obushoboorozi bwe nk’Omugabe w’Obukama bwa Ruhanga, kumaraho entaro “okuhika aha muheru gw’ensi.”—Zaaburi 46:9.
Yetegyereze oku Baibuli erikushoboorora ebi Yesu araakore:
‘Naija kujuna omukyene, ku araamutakire, n’omworo otaine kihwera. Naija kusaasira abooro n’abakyene, kandi amagara g’enshoberwa agajune. Naija kucungura amagara gaabo, agaihe omu kubonabonesibwa n’omu mwaga.’—Zaaburi 72:12-14.
Nitubaasa kworeka tuta ngu nitusiima byona ebi Yesu yaaherize kukora n’ebi arikwija kutukorera? Omuri Luka 22:19, Yesu akagambira abakuratsi be kwijuka okufa kwe. Niyo nshonga ahabw’enki buri mwaka, aha biro ebi Yesu yaafeereireho, Abajurizi ba Yehova nibateeranira hamwe kwijuka okufa kwe. Nitukweta kutwegaitaho kwijuka okufa kwa Yesu aha Sande, Okwakashatu 24, 2024.
Noobaasa Kukunda n'Ebi
EKIIJUTSYO
Okwijuka Okufa kwa Yesu
Nitukweta na rukundo mpango kwija kuba naitwe aha mukoro mukuru ogu. Noija kwega oku amagara ga Yesu n’okufa kwe birikubaasa kukugasira.
ENYEGYESA ZA BAIBULI ENKURU
Obukama bwa Ruhanga Niki?
Yesu omu buheereza bwe bwona, akeegyesa aha Bukama bwa Ruhanga kukira ebintu ebindi. Kumara ebyasha bingi, abakuratsi be batwire nibashaba ngu Obukama obwo bwije.
OMUNAARA GW'OMURINZI
Amazima Agarikukwata aha Bukama bwa Ruhanga
Ebyahandiikirwe nibyoreka Omugabe w’Obukama bwa Ruhanga n’amazima agarikukwata aha mwanya, ekigyendererwa, n’abategyeki, n’abaraategyekwe.
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
