Ekicweka 3

Eby’Okujunwa Kuruga Omuri Misri Okuhika aha Mugabe wa Israeli ow’Okubanza

Musa akeebembera Abaisraeli kuruga omu bukwatwa omuri Misri okuhika aha Rushozi Sinai, ei Ruhanga yaabaheeraire Amateeka ge. Bwanyima, Musa akoohereza abashaija 12 okutata ensi ya Kanaani. Kwonka 10 ahari bo bakagaruka n’enkuru mbi. Baareetera abantu okwenda kugaruka Misri. Ahabw’obutaikiriza bwabo, Ruhanga yaabonereza Abaisraeli arikubareetera okuzengyerera kumara emyaka 40 omu ihamba.

Aha muheru, Yoshua akatooranwa kwebembera Abaisraeli kubahitsya omu nsi ya Kanaani. Okubahwera okutwara ensi egyo, Yehova akakora eby’okutangaaza. Akoomya omugyera Yorudaani, yaagwisa ebisiika bya Yeriko, hamwe n’eizooba kuguma ryemereire orunaku rwona. Bwanyima y’emyaka mukaaga, ensi yaatwarwa kuruga aha Bakanaani.

Okutandika na Yoshua, Israeli ekategyekwa abaramuzi kumara emyaka 356. Nitwega bingi ebirikukwata ahari bo, otwariiremu Baraki, Gideoni, Yefusa, Samusooni, na Samueli. Kandi nitushoma n’aha birikukwata aha bakazi nka Rahabu, Debora, Yayeli, Ruusi, Naomi na Delira. Omuri byona, Ekicweka kya KASHATU nikigamba aha myaka 396 ey’ebyafaayo.