Ekicweka 5

Obukwatwa Omuri Babulooni Okuhika aha Kugaruka Kwombeka Engo za Yerusaalemu

Bari omu bukwatwa omuri Babulooni, Abaisraeli bakatunga okugyezesibwa kwingi omu kwikiriza kwabo. Seduraaka, Mesaaki, na Abedeneego bakanagwa omu kikoomi ky’omuriro, kwonka Ruhanga yabaihamu bahuriire. Bwanyima ya Babulooni kusingurwa Abameedi n’Abaperesi, Danieli akanagwa omu kiina ky’entare, kwonka Ruhanga nabwe yaamurinda arikwigara eminwa y’entare.

Aha muheru, Kuuro omugabe wa Buperesi yaarekura Abaisraeli. Bagaruka omu nsi yaabo bwanyima y’emyaka 70 okwiha obu baatwarwa Babulooni nk’enkwatwa. Ekintu ky’okubanza eki baabandize kukora obu baagaruka Yerusaalemu kikaba kiri okutandika kwombeka Hekalu ya Yehova. Kwonka, abazigu jubajuba baayemereza omurimo gwabo. N’ahabw’ekyo, hakahwaho emyaka nka 22 bwanyima y’okugaruka Yerusaalemu obu aha muheru bamariiriza kwombeka Hekalu.

Ekindi nitwega aha birikukwata aha rugyendo rwa Ezera kugaruka Yerusaalemu kuboneza Hekalu. Obwo hakaba hahweireho emyaka 47 okwiha obu hekalu yahwa kwombekwa. Emyaka 13 bwanyima y’orugyendo rwa Ezera, Nehemia akahwera omu kugaruka kwombeka ebisiika by’orugo rwa Yerusaalemu ebyabaire bishenyukire. Ekicweka kya KATAANO nikikwata aha myaka 152 ey’ebyafaayo n’okuhitsya omu bunaku obu.