Ekicweka 6

Okuruga aha Kuzaarwa kwa Yesu Okuhika aha Kufa Kwe

Maraika Gaburieli akooherezibwa aha mukazi muto murungi orikwetwa Mariamu. Akamugambira ngu akaba naija kuzaara omwana owaabaire naaza kuba omugabe w’ensi ebiro byona. Omwana ogu, Yesu, akazaarirwa omu kihongore, ei abariisa baamutaayaayiire. Bwanyima, enyonyoozi ekeebembera abashaija kuruga omuri Burugwa-izooba kuza aha mwereere ogu. Nitwega aha waabareetaire kureeba enyonyoozi egyo, kandi n’oku Yesu yaahonire kwitwa.

Ekindi, nitureeba Yesu obu yaabaire aine emyaka 12 y’obukuru, arikugamba n’abeegyesa omu hekalu. Hahingwireho emyaka ikumi na munaana, Yesu akabatizibwa kandi yaatandika okubuurira n’okwegyesa aha Bukama, omurimo ogu Ruhanga yaamwohereize kukora omu nsi. Okumuhwera omu murimo ogu, Yesu akatoorana abashaija 12 kandi yabahindura entumwa ze.

Yesu kandi akakora eby’okutangaaza bingi. Akariisa enkumi n’enkumi z’abantu obwo aine obw’enyanja bukye n’emigaati mikye. Akakiza abarwaire kandi yaazoora abafiire. Aha muheru, nitwega aha bintu bingi ebyabaire ahari Yesu omu biro by’okuhererukayo eby’amagara ge, hamwe n’oku yaitsirwe. Yesu akabuurira kumara emyaka nk’eshatu n’ekicweka, n’ahabw’ekyo EKICWEKA 6 nikikwata aha bunaku oburikurenga aha myaka 34.