Ekicweka 7

Okuruga aha Kuzooka kwa Yesu Okuhika aha Kukomwa kwa Paulo

Aha kiro kya kashatu aherize kufa, Yesu akazooka. Omu izooba eryo, akabonekyera abakuratsi be emirundi etaano ey’omutaano. Yesu akeeyongyera kubeyoreka kumara ebiro 40. Bwanyima, abeegi be ku baabaire nibamureeba, Yesu yaatemba omu iguru. Hahingwireho ebiro ikumi, Ruhanga akashuka omwoyo orikwera aha bakuratsi ba Yesu abaabaire barindiriire omuri Yerusaalemu.

Bwanyima, abazigu ba Ruhanga baata entumwa omu kihome, kwonka maraika yaabaihamu. Abahakanisa bakaitsa omwegi Stefano amabaare. Kwonka nitwega aha ku Yesu yaatoraine omwe aha bahakanisa aba kuba omuheereza we ow’omutaano, kandi akahinduka entumwa Paulo. Bwanyima, y’emyaka eshatu n’ekicweka Yesu aherize kufa, Ruhanga akoohereza entumwa Petero okubuurira Koruneelio omunyamahanga hamwe n’eka ye.

Hahingwireho nk’emyaka 13, Paulo akatandika orugyendo rwe rw’okubuurira orw’okubanza. Omu rugyendo rwe rwa kabiri Timoseo akeegaita ahari Paulo. Nitwega aha ku Paulo hamwe n’abagyenzi be baashemerereirwe omu kuheereza Ruhanga. Aha muheru, Paulo akateebwa omu kihome omuri Rooma. Bwanyima y’emyaka ebiri, akarekurwa, kwonka bwanyima yaagarurwa omu kihome kandi yaitwa. Ebyabaireho omu KICWEKA 7 bikatwara emyaka nka 32.