Ekicweka eki nikigamba aha Byahandiikirwe eby’Orugriika. Yesu akazaarwa omuka eyaabaire eri omu tauni nkye. Akaba akora na ishe owaabaire ari omubaizi. Yesu niwe yaabaire naija kujuna abantu. Yehova akamutoorana kuba omugabe w’Obukama bw’omu iguru. Ku oraabe ori omuzaire, hwera omwana waawe kwetegyereza oku Yehova omu bwegyendesereza yaatooraine eka n’omwanya ahu Yesu yaabaire naija kukurira. Yetegyereze oku Yehova yaarinzire Yesu obu Heroode yaabaire naayenda kumwita n’oku hatariho ekirikubaasa kuremesa ekigyendererwa kya Yehova kuhikiirira. Manya oku Yehova yaahaire Yohaana obujunaanizibwa bw’okutebeekanisiza Yesu omuhanda. Yoreka oku Yesu yaayorekiire ngu kuruga omu buto, akaba naakunda obwengye bwa Yehova.