Omuntu yaabuuza ekibuuzo kuruga aha mutima nari yaaba aine eki atarikwikirizanaho naitwe, nitushemererwa kugumizamu nitugaaniira nawe. Nituba nitwenda kugamba n’abantu abaine ekihika ky’okukorerera “amagara agatahwaho.”​—Byak. 13:48.

Kwonka shi omuntu yaagira ekiniga, arikwenda kutongana, nari atarikwenda kugamba naitwe eshaaha egyo? Omu muringo gw’embabazi kandi ogw’obwengye, hendera ekigaaniiro. (Enf. 17:14) Teeraho kumurugaho gye, kugira ngu obundi nyentsya aije agaaniire naitwe.​—1 Pet. 2:12.