Okwega kutakatandikire

1. 1. Tebeekanisa gye. Waaba nootebeekanisa, teekateeka aha kubaasa kw’omwegi, embeera ze, n’emiteekateekyere ye. Teekateeka aha nshonga ezirikubaasa kumugumira kwetegyereza nari kugyenderaho. Teekateeka aha ku ebiri omu kicweka “Jumbura Ebindi” birikubaasa kuhwera omwegi waawe, kandi obe oyeteekateekire kubikoresa omu kwega kyayetengyesa.

Omu kwega

1. 2. Tandika n’okushaba kandi ohendere n’okushaba, okwihaho omwegi yaayanga.

2. 3. Yegyendesereze kutagamba bingi. Ta omutima aha ishomo eri murikwega, kandi reka omwegi agambe oku arikwehurira.

3. 4. Mwaba nimutandika ekicweka kisya, shoma entima y’ekicweka ekyo, kandi ogambe emitwe y’amashomo emwe.

4. 5. Mwaba nimuhendera ekicweka, koresa okweijutsya kw’ekicweka kuhwera omwegi kwijuka amazima agu ayegire.

5.  6. Omu kwegyesa omwegi buri ishomo:

   1. Mushome obucweka.

   2. Mushome ebyahandiikirwe ebiriho ekigambo “Shoma.”

   3. Mushome ebyahandiikirwe ebindi ebyorekirwe kyaba nikyetengyesa.

   4. Mureebe vidiyo zoona eziriho ekigambo “Zaana” (waaba oziine).

   5. Buuza omwegi buri kibuuzo.

   6. Shaba omwegi kwetegyereza ebishushani ebiri ahansi ya “Shwijuma Gye,” kandi omushabe kubigambaho.

   7. Koresa akabokusi “Ekigyendererwa” kuhwera omwegi kumanya okutunguuka kwe omu by’omwoyo. Noobaasa kumuhiga kutaho ekigyendererwa ekiri omu ishomo, kutaho ebigyendererwa ebindi, nari akore byombi.

   8. Buuza omwegi yaaba haine vidiyo nari ebicweka ebi akunzire omu “Jumbura Ebindi” obu abaire naatebeekanisa.

   9. Teeraho kuheza eishomo buri kwegyesa omwegi.

Bwanyima y’okwegyesa omwegi

1. 7. Guma nooteekateeka aha mwegi. Shaba Yehova kumuhwera kutunguuka, n’okukuha obwengye bw’okumanya oku oraamuhwere.