Ebintu bibi ebiri kubaho omu nsi eri igyenda nibyoreka ku Ekibanja kya Ruhanga kiri haihi. Baiburi ekagira ngu turyareeba obwiire bw’akabi kaingi Ekibanja kya Ruhanga kitakaizire. Obwa hati obwo nibwo bwiire obu turimu! Ebi ni bimwe aba bintu ebi Baiburi yagizire ngu biryabaho:

Engamba rurangaanwa. “Eihanga riryateera erindi ihanga, n’obugabe buryateera obundi bugabe.” (Matayo 24:7) Obunabi obu bukahikiirizibwa. Okuruga omu mwaka 1914, habaireho engamba ibiri z’ensi yoona hamwe n’ezindi ngamba nyingi ekyeho. Obukaikuru n’obukaikuru bw’abantu bazigwiiremu.

Okujanjaara kw’endwaara. Hakabaireho “orufu omu myanya mingi.” (Luka 21:11) Eki kyahiririzibwe? Eego. Ekokoro, endwaara y’omutima, orukororo, omushwiija, sirimu n’ezindi ndwaara ziitsire obukaikuru n’obukaikuri bw’abantu.

Eibura ry’ebyokurya. Omu nsi yoona harimu abataine byokurya biri kumara. Obukaikuru n’obukaikuru bw’abantu nibaitwa enjara buri mwaka. Aka n’akandi kamanyiso ku Ekibanja kya Ruhanga kiri haihi kubaho. Baiburi neegira: “Haryabaho n’enjara.”—Mako 13:8.

 Emitsitsa. “Haryabaho . . . n’emitsitsa omu myanya mingi.” (Matayo 24:7) Eki nakyo kihikirizibwe omu bwiire bwiitu obu. Abantu bari kuhingura omu kakaikuru bagwiire omu mitsitsa kuruga 1914.

Abantu ababi. Abantu kuba “abakunzi b’empiiha” kandi “abari kwekunda.” Babe “abari kukunda kweshemeza bonka okukira Ruhanga.” Abaana babe “abari kugomera abazaire baabo.” (2 Timoseo 3:1-5) Torikwikiriza ku hariho abantu baingi batyo obwiire obu? Tibari kuha Ruhanga ekitinisa kandi barabanisamu abo abari kugyezaho kweega ahari Ruhanga.

Obwiinazi. Hakabeireho nabwo “obugomi kukanya” (Matayo 24:12) Nabwo noija kwikiriza ngu obugomi nibukira oku bwabiire buri omu myaka eyenyimaho. Abantu hoonahoona niberarikirira kwiibwa, kunywagwa nari kuhutaazibwa.

Ebi byoona nibyoreka ku Obukama bwa Ruhanga buri haihi kubaho. Baiburi neegira: “Ku murireeba ebyo nibibaho mumanye ngu obukama bwa Ruhanga buri haihi.” (Luka 21:31) Obukama bwa Ruhanga n’enki? Ni gavumenti ya Ruhanga ey’omu iguru, erireeta Ekibanja kye omu nsi. Obukama bwa Ruhanga buryaaza omu mwanya gwa za gavumenti z’abantu.—Danieli 2:44.