Waaba oine munywani waawe ou ori kukunda kandi ori kumuha ekitinisa, n’ogyezaho kumushusha. “Mukama ni murungi kandi ow’amazima,” Baiburi nikwo eri kugira. (Zaaburi 25:8) Okuba banywani ba Ruhanga, nituragirwa kuba barungi kandi ab’amazima. Baiburi n’egira eti: “Mukuratire Ruhanga nk’abaana abari kukundwa. Kandi mugyendere omu kukunda.” (Abaefeso 5:1, 2) Egi nemwe aha mihanda y’okukikora:

Hwera abandi. “Tukore gye abantu boona.”—Abagalatia 6:10.

Kora n’amaani. “Omushuma arekye kugaruka kwiba, kureka akore n’amaani, naakoresa emikono ye emirimo mirungi.”—Abaefeso 4:28.

Guma nooyera aha mubiri n’omu mwoyo. “Tweyozyeho oburofa bwoona obw’aha mubiri n’obw’omu mwoyo, nituhikiiriza okweera omu kutiina Ruhanga.”—2 Abakorinso 7:1.

 Ab’omu maka gaawe twaza nabo omuri rukundo n’ekitiinisa. “Omuntu weena omuri imwe akunde omukazi we, nk’oku ayekunda, n’omukazi nawe ashemereire kutiina iba. Abaana, mworobere abazaire baanyu.”—Abaefeso 5:33–6:1.

Kunda abandi. “Tukundane, ahakuba okukunda kuruga ahari Ruhanga.”—1 Yohaana 4:7.

Yorobera ebiragiro by’eihanga. “Omuntu weena ayorobere [gavumenti] . . . Mwihure boona ebi bari kubaihuza, abari kushoza mubahe omushoro.”—Abarooma 13:1, 7.