Ekibanja kya Ruhanga tikirikwiija kushushana n’ensi egi eitutwiiremu obwahati. Ruhanga akaba atarikwenda ensi ku eijuramu emirabanamu n’okushoberwa, obuhurizi hamwe n’obusaasi. Omu biro by’omu maisho, Ruhanga naija kuhindura ensi ekibanja kye. Ekibanja kya Ruhanga kiryashushana kita? Katureebe eki Baiburi eri kugamba:

Abantu abarungi. Ekibanja kya Ruhanga kiryaba obutaaho bwa banywani ba Ruhanga. Baryakoreramu ebintu birungi, baryagyendera omu mihanda ya Ruhanga egororokire.—Enfumu 2:21.

Omweeru. Omu kibanja kya Ruhanga tiharibamu njara. Baiburi neegira: “Haryabaho omweru mwingi omu nsi.” —Zaaburi 72:16.

Amaju marungi n’emirimo ekushemeza. Omu nsi omu Kibanja kya Ruhanga buri ka eryayegirira obutuuro bwaayo aha bwaayo. Buri omwe aryagira omurimo oguri kureeta okushemererwa okwa buzima.—Isaaya 65:21-23.

 Obusinge ensi yoona. Abantu tibarigaruka kurwaana n’okugwa omu ngamba. Ekigambo kya Ruhanga nikigira: “[Ruhanga] amaraho engamba.”—Zaaburi 46:8, 9.

Amagara marungi. Baiburi neraganisa: “Tihaine mutuuzi waayo origira ati: Ndwaire.” (Isaaya 33:24) Kandi hoona tihariho ariba ari ekimuga nari empumi nari ekifa matu nari ekiteta.—Isaaya 35:5, 6.

Muheru y’obusaasi, okushoberwa nari okufa. Ekigambo kya Ruhanga nikigira kiti: “Tiharibaho kufa bundi, n’obu kwakuba okucura nari okurira nari obusaasi ahakuba ebya ira biryaba bihweireho.”—Okushuuruurwa 21:4.

Ababi baryaba batakiriho. Yehova naraganisa: “Ababi baryamarwaho omu nsi, kandi abari kureebya baryagikuurirwamu kimwe.”—Enfumu 2:22.

Abantu baryakundana kandi bahaane ekitinisa. Tiharibaho obutaringaaniza okwiitirwa aha kyara, omururu, n’obwagani. Abantu baryaaba bamwe kandi bagyendere omu mihanda ya Ruhanga egororokire.—Isaaya 26:9.