Sitaani nayenda okozese okuroga. Baingi nibaha ebitambo abaafiire nari emizimu kwerinda okuba kubi. Eki nibakikora aha bw’okutiina obushoborozi bwa ah’emizimu etuura. Bajwaara engisha z’okuroga nari enkwanzi. Banywa nari beesiiga “emibazi” eri kuteekateekwaho kugira obushoborozi bw’okuroga. Omu maka gaabo nari omu mbuga abamwe nibasherekamu ebintu ebi bari kwikiriza ngu biine obushoborozi bw’okubarinda. Abandi bakozesa “emibazi” y’okuroga ahabw’okwikiriza ngu neija kubareetera obusinguzi omu by’emirimo, ebigyezo by’eishomero nari okuriima.

Okwerinda Sitaani kwaawe okurungi, n’okuhindura Yehova munywaani waawe. Yehova Ruhanga na bamaraika be ni bakiriza kimwe hare Sitaani na ba daimoni be obushoborozi. (Yakobo 2:19; Okushuuruurwa 12:9) Yehova nakundira kimwe kworeka amaani ge aha bwa banywaani be—abo abeesigwa buzima ahari we.—2 Obusingye 16:9.

Ekigambo kya Ruhanga ni kigira: ‘Mutari kozesa eby’okuroga.’ Yehova naakyeena eby’okuroga n’okuragura ahabwokuba ebikorwa ebyo bibaasa ahonaaho kuta omuntu ahansi y’obushoborozi bwa Sitaani Omubeihi.—Abaleevi 19:26.