Sitaani naatega abantu kukora ebihagaro. Omuntu ari kwenda kuba munywani wa Ruhanga ashemereire kwanga ebi Yehova ayanga. (Zaaburi 97:10) Ebi ni bimwe ahari abyo ebi banywani ba Ruhanga bari kwetantara:

Ebibi by’obushambani. “Otarishambana.” (Okuruga 20:14) Okukora eby’omu bonano otakashweire nakyo n’enshobi.—1 Abakorinso 6:18.

Obusinzi. “Abasinzi . . . ti bari hungura bukama bwa Ruhanga.”—1 Abakorinso 6:10.

Obwisti, Okwihamu Enda. “Otariita.”—Okuruga 20:13.

Obushuma. “Otariiba.”—Okuruga 20:15.

Okubeiha. Yehova nayanga “orurimi orubeiha.”—Enfumu 6:17.

 Endwaano n’Ekiniga Kingi. “Okunda endwaano [Yehova] amwanga.” (Zaaburi 11:5) “Emirimo y’obuzaarwa bw’omubiri [obariiremu] . . . ekiniga.”—Abagalatia 5:19, 20.

Okwambura. ‘Mutari kwatanisa n’omuntu araabe ari omwambuzi.’—1 Abakorinso 5:11.

Obwangani bw’Erangi n’Enganda. “Mukunde abazigu banyu, kandi mushabire n’abarikubahiiga.”—Matayo 5:43, 44.

Ebintu ebi Ruhanga ari kutugambira n’eby’okutugasira. Butoosha tikyorobi kwetantara kukora ebihagaro. Waagira obuhweezi bwa Yehova n’obw’Abajurizi be nobaasa kwetantara okukora ebitari kushemeza Ruhanga.—Isaaya 48:17; Abafilipi 4:13; Abaheburaayo 10:24, 25.