EISHOMO 16
Yoreka Okukunda Ruhanga Kwaawe
Okuguma n’ou onywaine, oshemereire kugamba nawe. N’omuhurikiza nawe nakuhurikiza kandi hoona omu bandi nomugambaho ebintu birungi. Nikwo kityo na waaba ori munywani wa Ruhanga. Yetegyereze oku Baiburi eri kukigambaho:
Gamba na Yehova obutoosha omu kushaba. “Mugumizemu kushaba.”—Abarooma 12:12.
Shoma Ekigambo kya Ruhanga, Baiburi. “Ebyahandiikirwe byona ebihandiikisiibwa [o]mwoyo wa Ruhanga biine omugasho gw’okwegyesa omuntu, n’okumuhana, n’okumuhabura, n’okumutendeka omu by’okuhikiirira.”—2 Timoseo 3:16.
Yegyesa abandi ahari Ruhanga. “N’ahabw’ekyo mugyende omu mahanga goona, muhindure abantu abeegi, . . . ni mu beegyesa kworobera byona ebi naabaragiire.”—Matayo 28:19, 20.
Za omu nteerane omu Kingdom Hall. “Kandi ka tuteekateekye oku twakwezirikisana kukundana n’okukora ebirungi, . . . tugumyane.”—Abaheburaayo 10:24, 25.
Yamba omu kuhweera omurimo gw’Obukama. “Omuntu weena [aheereze] nk’oku amaririire omu mutima gwe, atari kunyoomwa nari okugyemwa; ahakuba Ruhanga akunda efura.”—2 Abakorinso 9:7.