Gira ekigyendererwa. Manya ekigyendererwa ky’orubazo rwawe, yaaba n’okumanyisa abakuhurikiize, okubahamiza, nari okubahiga, reero okihikiirize. Hamya ngu enshonga enkuru zoona nizihikiiriza ekigyendererwa kyawe.

Hamiiriza omutwe gw’orubazo. Waaba nooha orubazo guma noogamba aha mutwe gwarwo orikukoresa ebigambo bikuru eby’omutwe ogwo nari ebirikushushana nabyo.

Yoreka gye enshonga enkuru omu muringo gworobi. Toorana enshonga enkuru zonka ezirikuhikaana n’omutwe, kandi ezi orikubaasa kwegyesa omu bwire obukuhairwe. Toshemereire kukoresa enshonga enkuru nyingi, yoreka gye buri nshonga enkuru, yemereramu orikuza kugamba endiijo, kandi ozikuratanise gye.