Tebeekanisa gye kandi oshabe. Shaba Yehova kukuhwera kuta omutima aha butumwa, beitu kutari kweteekateekaho munonga. Ta omutima aha nshonga enkuru ezi orikwenda kugamba. Gamba enshonga omu bigambo ebyawe, otashoma bushoma ebigambo nk’oku bihandiikirwe.

Gamba kuruga aha mutima. Manya ahabw’enki obutumwa buri bukuru aha bakuhurikiize. Bateho omutima. Kandi enyemerera yaawe, oku orikukoresa ebicweka by’omubiri, n’endeebeka y’aha maisho, bishemereire kworeka omuhimbo n’okufayo.

Reeba abakuhurikiize. Guma nooreeba abakuhurikiize kyaba kitarikubagwisa kubi. Waaba nooha orubazo, reeba buri muntu okwe omu mwanya gw’okureeba abantu baingi omurundi gumwe.