EISHOMO 6
Okuhikaanisa Gye Ebyahandiikirwe n’Ebi Orikugamba
Yohaana 10:33-36
EKY’OKUKORA: Otashoma bushoma ekyahandiikirwe reero okaza aha nshonga endiijo. Abakuhurikiize baine kureeba oku ekyahandiikirwe ekyo kirikuhikaana n’enshonga ei orikugambaho.
OKU ORIKUBAASA KUKIKORA:
-
Ta omutima aha bigambo ebikuru. Bwanyima y’okushoma ekyahandiikirwe, ta omutima aha bigambo ebirikuhikaana n’enshonga yaawe enkuru. Noobaasa kukora eki orikugarukamu ebigambo ebyo, nari orikubuuza ekibuuzo ekirikureetera abakuhurikiize kureeba ebigambo bikuru.
-
Hamiiriza enshonga. Waayanjura ekyahandiikirwe, yoreka ahabw’enki waakishoma, kandi shoboorora oku ebigambo byakyo birikuhikaana n’enshonga ei orikugambaho.
-
Yorobya enshoboorora yaawe. Yetantare kugamba ebintu bingi ebitaine kakwate n’enshonga enkuru. Orikwihirira aha bi abakuhurikiize barikumanya aha ki orikugambaho, gamba enshonga ezirikwetengyesa zonka eziraabahwere kwetegyereza.