Ebirikwanjura
RUHANGA OMUSHOBOROZI W’ABYOONA niwe Mukama w’ensi n’eiguru. Amagara gaitu obwahati n’agomumaisho gegami ahari we. Aine obushoborozi kurongoora ninga kufubira. Kuhereza amagara ninga kugaihaho. Yaatusiima nitubagye, yaaba atatusiimire nitubonabona. N’ekyomugasho yasiima okuramya kwaitu!
Abantu nibaramya omu miringo mingi. Ediini yaaba eri nk’oruguuto, nikiba nikimanyisa ngu ediini zoona Ruhanga nazisiima? Ngaaha. Yesu, omurangi wa Ruhanga, akagira ngu hariho enguuto ibiri zonka. Ebi nibyo bigambobye: “Ahakuba eirembo eririkutaasya omu kucwekyerera rigarami, n’omuhanda gwaryo guba muhango, kandi n’abagutooramu baba baingi, kwonka eirembo eririkutaasya omu magara rifunzire, n’akahanda kaaryo kagumire, n’abakazoora baba bakye.”—Matayo 7:13, 14.
Hariho ediini z’emiringo ebiri: emwe netutwaara omu magara endiijo netutwaara omu kuhwerekyerera. Ekigyendererwa ky’akatabo aka n’okukuyamba okuzoora oruguuto orw’amagara agatahwaho.