EKICWEKA 7
Nibaahi Abari omu Diini ey’Amazima?
1. Tushemereire kukora ki okushemeza Ruhanga?
OKUGIRA rukundo erikutagata hamwe n’obuzaare burungi na Ruhanga titushemereire kugira akakwate n’ediini ey’ebishuba. Tuze omudiini ey’amazima. Eriigyenda obukaikuru bw’abantu omu nsi yoona bariyo nibakora ekyo.
2. Abajurizi ba Yehova nibashangwa hi, kandi nibakora murimo ki?
2 Nkoku Baibuli yakigambire abarikuramya ab’amazima bakozire “omutwe muhango” ogurugire “omumahanga goona n’enganda zoona, n’abantu boona n’endimi zoona.” (Okushuuruurwa 7:9) Omunsi zirikuhika 235, obukaikuru bw’Abajurizi ba Yehova bariyo nibayamba abandi kweega Yehova oku arikukunda n’ebi ari kutweenza.
Okuzoora Abarikuramya ab’Amazima
3. Abajurizi nibaramya oha kandi nimiringo ki ey’okuramya ei barikwetantara?
3 Abajurizi nibakimanya ngu Yehova wenka niwe ashemereire kuramibwa. Nibaanga okwinamira ebishushani. (1 Yohaana 5:21) Tibarikuhereza abafiire ekitinisa kuraara aha kiro bakuumire omurambwe ninga emitwarize endiijo erikwenegyeza enyikiriza z’ediini ey’ebishuba “n’okwegyesa kwa baadaimoni.” (1 Timoseo 4:1) Haza bo ni bahuumuza abantu abafeereirwe barikubashoborora amatsiko agariho ngu haryabaho okuzooka kw’abafiire kugaruka omunsi enungi.—Yohaana 5:28, 29; Ebyakozirwe 24:15.
4. Abantu ba Ruhanga nibareeba bata okuroga?
4 Abajurizi tibari kukwatanisa n’oburogo, obucecezi, ninga okubandwa, nibamanya ngu ebi nibikomoka aha Muregi. Tibarikwesiga engisha kubarinda—obwesigwa bwaabo nibabuta omuri Yehova.—Enfumu 18:10.
5. Nimuringo ki ogu Abajurizi ba Yehova ‘batari b’ensi’?
5 Yesu akagira ngu abeegi be “ti b’ensi.” (Yohaana 17:16) Yesu we wenka akaanga kuza omu by’obutegyeki obw’ebiro biyaabeire ari omu nsi. (Yohaana 6:15) Barikureebera ahari we, Abajurizi tibarikuza mu by’obutegyeki, eby’eihanga ryaabo, hamwe n’okuhayana kw’ebigombe by’ensi egi. Kwonka, nibashashura emishoro kandi borobera ebiragiro bya ihanga ribari kutuura mu.—Yohaana 15:19; Abarooma 13:1, 7.
6. Abahereza ba Ruhanga nibakuratira biragiro ki omu bushwere n’okushenda?
6 Ahabw’okuba niborobera obwebembezi bwa gavumenti, Abajurizi nibakigumya ngu obushwere bwaabo bugaisirwe. (Tito 3:1) Niborobera obwebembezi bwa Ruhanga n’ahabw’ekyo tibarikushwera abakazi baingi. (1 Timoseo 3:2) Okweyongyera ahari ekyo, nibakozesa ebiragiro bya Baibuli omu magara gaabo, abaheereza ba Ruhanga tibarikukira kutaana omu bushwere.
7. Abajurizi nibooreka bata okukundana?
7 Abajurizi nibakundana. Okukundana oku, hamwe n’okukunda Ruhanga nikubateerana hamwe omu ruganda oruhikire n’amahanga maingi. Haabaho akatabanguko ninga omu bwiire bw’okweteenga Abajurizi nibarahuka kwiija kuhweerana. Abajurizi nibooreka okukunda omu muringo gu bari kutuura mu.—Yohaana 13:35.
Abajurizi ba Yehova beteraine hamwe nk’eyina-emwe omunsi yoona
8. Ni mize ki emibi ei Abantu ba Ruhanga bari kwetantara?
8 Abantu ba Yehova nibakora obucweka-ihembe kutuura omu magara bari abeesigwa kandi ba gororokire. Nibetantara okwiiba, okubeiha, obushambani, obusinzi, n’obushuubuzi oburimu okwiiba. Abashaija tibarikuteera abakazi baabo. Abamwe batakahindukire kuba Abajurizi bakaba nibakora bimwe ahari ebi baitu, barikuhweerwa Yehova, bakabireka. “Bakoogibwa, bayezibwa.”—1 Abakorinso 6:9-11.
Abarikukora Ruhanga ebi Arikwenda
9. Ekitabo kimwe kikagamba ki aha diini eziri kugaita eby’enzaarwa n’eby’Ekikristaayo?
9 Buri diini negira ngu ney’amazima. Emirundi mingi nibooreka ebikorwa kweheisa. Eky’okureeberaho, ediini eziri kugaita eby’enzaarwa n’eby’ekikristaayo omuri Africa, ekitabo kimwe nikizigambaho kiti: “Omurimo gw’omufumu ninga omuganga gugyenzirwemu [Abanyadiini]. . . . nibabonekyerwa, bakora eby’okutangaaza. Abarangi baabo nibabonekyerwa, barootorora ebirooto. Nibakozesa amaizi g’omugisha, amajuta, omuyonga, obutaara hamwe na obubaane kutambira hamwe n’okuzibira endwaara.”
10, 11. Ahabw’enki eby’okutaangaza by’erigyenda tibyakyoreka ngu ediini nekomoka ahari Ruhanga?
10 Abarikukuratira ediini ezi nibagira ngu eby’okutangaaza nibyoreka ngu ediini yaabo Ruhanga agihiire omugisha. Eby’okutangaaza ebi tibiri ku hamya ngu ediini egyo Yehova nagisiima. Sitaani nahereza abari kumuramya amaani kukora ‘eby’okutangaaza eby’ebishuba.’ (2 Abatesalonika 2:9) N’ekindi Baibuli ekakigamba ngu ebiconco by’ebyokutangaza kuruga ahari Ruhanga nka oburangi, okugamba endimi, n’obwengye “biryaihwaho.”—1 Abakorinso 13:8.
11 Yesu akatuhabura: “Omuntu weena orikugira ati Mukama wangye, Mukama wangye, tiwe aritaaha mu bukama bw’omu iguru, kureka orikukora ebi tata ow’omu iguru akunda. Baingi baryayetonganira aha kiro ekyo bati: Mukama waitu, Mukama waitu, torikumanya ku twaaburiire omu iziina ryawe, ku twabingire baadaimoni omu iziina ryawe, kandi ku twakozire eby’okutangaaza bingi omu iziina ryawe? Haza naanye ndyabagarukamu nti: Tinkabamanyaga; mundugye omumaisho, imwe abakora eby’obugomi!”—Matayo 7:21-23.
12. N’oha aritaaha omu Bukama bw’omu iguru?
12 Mbwenushi, nibaahi abaritaaha omu Bukama bw’omu iguru? N’aabo abarikukora ebi Yehova ari kwenda.
Nibabuurira aha by’Obukama bwa Ruhanga
13. Nimurimo ki ogu Ruhanga ari kuragiira abantu be kukora eri igyenda, kandi nibaahi abarikugukora?
13 Ekigyendererwa kya Ruhanga aha bantu niki ebiro ebi? Yesu akagira ati: “Engiri egi ey’obukama eryagambwa omu nsi zoona okuba eky’okuhamya aha mahanga goona.” (Matayo 24:14) Ogu nigwo omurimo ogu Abajurizi ba Yehova barikukora n’omuhimbo.
14. Obukama bwa Ruhanga n’enki, kandi nibaahi abategyeki b’Obukama obwo?
14 “Omu nsi zoona,” Abajurizi ba Yehova nibabuurira Obukama bwa Ruhanga nka gavumenti y’omu iguru erikuza kutegyeka ensi yoona omukuhikirira. Nibegyesa ngu Yehova ateireho Kristo Yesu kuba Omugabe w’Obukama bwa Ruhanga hamwe na 144,000 abandi abatorainwe kuruga omubantu.—Danieli 7:14, 18; Okushuuruurwa 14:1, 4.
15. Obukama bwa Ruhanga buryahwerekyereza ki?
15 Abajurizi nibakozesa Baibuli kworeka abantu ngu Obukama bwa Ruhanga nibuza kuhwerekyereza obukama bwa Sitaani. Ediini erikushomesa ebishuba ebitari kuha Ruhanga ekitiinisa kandi bikahaisa omuregi nayo eryarugaho. (Okushuuruurwa 18:8) Za gavumenti z’abantu ezirikuhakanisa Ruhanga nazo ziryarugaho!—Danieli 2:44.
16. Nibaahi abaritegyekwa Kristo Yesu, kandi baryatuura nkahi?
16 Ekindi, Abajurizi ba Yehova nibamanyisa abantu ngu Kristo Yesu naaza kureetera abantu boona abarikukora ebi Ruhanga arikwenda ebirungi byonka. Nibaza kuba abantu be omunsi. Baibuli neraganisa: “Aryajuna omukyene, ku arimutakira, n’omworo otaine kihwera. Aryasaasira abooro n’abakyene, kandi amagara g’enshoberwa agajune.”—Zaaburi 72:12, 13.
17. Nibaahi abarikubuurira Obukama bwa Ruhanga?
17 Tihariho ekigombe ky’abantu ekindi ekirikukora eki Ruhanga arikwenda abarikubuurira amakuru marungi g’Obukama bwe. Abajurizi ba Yehova nibo bonka abarikujanjaza Obukama bwa Ruhanga omu nsi yoona.