Baibuli Noogitwara nka Ki?
Noogitwara . . .
-
nk’ekitabo ekirimu obwengye bw’abantu?
-
nk’ekitabo ky’ebitebyo n’ebigunjano?
-
nk’Ekigambo kya Ruhanga?
EKI BAIBULI ERIKWEGYESA
Ebyahandiikirwe byona, bihandiikisiibwe Ruhanga.’—2 Timoseo 3:16, Baibuli ey’Orunyankore-Rukiga, eya 1964.
OKU ORIKUGASIRWA WAIKIRIZA EKYO
Eby’okugarukamu eby’ebibuuzo ebikuru.—Enfumu 2:1-5.
Obuhabuzi oburikwesigwa.—Zaaburi 119:105.
Amatsiko agaabuzima aha biro by’omumaisho.—Abarooma 15:4.
NITUBAASA KWIKIRIZA EKI BAIBULI ERIKUGAMBA?
Eego, ahabw’enshonga nka ishatu:
-
Ebirimu nibihikaana. Baibuli ekahandiikwa abashaija nka 40 omu myaka erikurenga 1,600. Baingi aharibo tibarareebaine. Kwonka ebirimu byona nibikwata aha mutwe gumwe omukuru.
-
Ebihandiikirwemu nibyesigwa. Ab’ebyafaayo nibakira kushwekyerera enshobe z’abantu baabo. Kwonka abaahandiikire Baibuli, ahabw’obwesigwa bwabo bakahandiika enshobe zaabo n’ez’eihanga ryabo.—2 Obusingye 36:15, 16; Zaaburi 51:1-4.
-
Obunabi oburikwesigwa. Baibuli ekagamba aha kucwekyerezibwa kwa Babulooni orwa ira harikuburayo emyaka nka 200. (Isaaya 13:17-22) Ekagamba aha ku yaabaire neija kucwekyerezibwa n’eiziina ry’ogwo owaabaire naija kugicwekyereza.—Isaaya 45:1-3.
Obunabi obundi bwingi obw’omu Baibuli nabwo bukahikiririzibwa kimwe hataine kirikuburaho. Kandi buzima Ekigambo kya Ruhanga nikwo kiine kuba.—2 Petero 1:21.
EKY’OKUTEEKATEEKAHO
Ekigambo kya Ruhanga nikibaasa kukuhwera kita?
Baibuli neegarukamu ekibuuzo eki omu ISAAYA 48:17, 18 na 2 TIMOSEO 3:16, 17.
Noobaasa Kukunda n'Ebi
EBIBUUZO EBI BAIBULI ERIKUGARUKAMU
Baibuli Niki?
Tandika orugyendo rwawe rurikushemeza orurikukwata aha butumwa burikwera oburikwetwa ekigambo kya Ruhanga.
ENYEGYESA ZA BAIBULI ENKURU
Nitubaasa Kuhamya Tuta ngu Baibuli Ehikire?
Baibuli ku araabe yaahandiikirwe Ruhanga, eshemereire kuba etarikushushana n’ekitabo ekindi kyona ekirahandiikirwe.
EBIRIKUTUKWATAHO
Ahabw’enki Oshemereire Kwega Baibuli?
Baibuli neehwera abantu baingi omu nsi yoona okutunga eby’okugarukamu eby’ebibuuzo ebikuru. Naiwe nooyenda kuba omwe aharibo?
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.
