EISHOMO 21
Amakuru Marungi Gariyo Nigabuurirwa Gata?
Juba Yehova arikukoresa Obukama bwe, naija kumaraho oburemeezi bwona. Aga n’amakuru marungi agu twine kugambira buri muntu. Yesu akaba naayenda ngu abakuratsi be bamanyise buri omwe obutumwa obu. (Matayo 28:19, 20) Abajurizi ba Yehova boorobiire bata ekiragiro ekyo?
1. Ebiri omu Matayo 24:14 biriyo nibihikiirira bita obunaku obu?
Yesu akagira ngu amakuru marungi aga ag’Obukama nigaija kubuurirwa omu nsi yoona. (Matayo 24:14) Abajurizi ba Yehova nikibashemeza kwejumba omu murimo mukuru ogu. Nitubuurira amakuru amarungi omu nsi yoona, omu ndimi ezirikurenga 1,000! Omurimo muhango ogu nigwetengyesa amaani maingi n’okutebeekanisa. Titurikubaasa kugukora twaba tutaine obuhwezi bwa Yehova.
2. Nitutamu maani ki kubaasa kubuurira abantu?
Nitubuurira hoona ahu abantu bari. Kushushana n’Abakristaayo omu kyasha ky’okubanza, nitubuurira ‘omu maka’ g’abantu. (Ebyakozirwe 5:42) Okubuurira omu muringo ogu ogutebeekanisiibwe gye, nikitubaasisa kuhika aha bukaikuru bw’abantu buri mwaka. Obu abantu batarikukira kuba bari omu ka, nitubuurira n’omu myanya y’orweteeraine. Butoosha nitusherura oburyo bw’okugambira abandi ahari Yehova n’ebigyendererwa bye.
3. N’oha oine obujunaanizibwa bw’okubuurira amakuru marungi?
Abakristaayo boona abaabuzima baine obujunaanizibwa bw’okubuurira abandi amakuru marungi. Obujunaanizibwa bwaitu titurikubuzanazaanisa. Nitubuurira nk’oku embeera zaitu zirikutubaasisa ahabw’okuba nitumanya ngu amagara g’abantu gari omu kabi. (Shoma 1 Timoseo 4:16.) Titurikushashurwa kukora omurimo ogu, ahakuba Baibuli neegira ngu “mukaheerwa busha, naimwe muheere busha.” (Matayo 10:7, 8) Ti buri omwe ngu naasiima obutumwa bwaitu. Kwonka nitugumizamu, ahakuba okubuurira n’ekicweka ky’okuramya kwaitu, kandi nikushemeza Yehova.
SHWIJUMA GYE
Manya oku Abajurizi ba Yehova barikuteeraho kubuurira omu nsi yoona, n’oku Yehova arikubahwera.
Okubuurira omu nsi yoona: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Nituteeraho kuhika abantu boona
Abajurizi ba Yehova nibateeraho munonga kubuurira abantu amakuru marungi buri hamwe. Zaana VIDIYO, kubaasa kugarukamu ekibuuzo ekirikukurataho.
-
Niki ekirikukushemeza aha bikwatiraine n’oku Abajurizi ba Yehova barikuteeraho kubuurira?
Shoma Matayo 22:39 na Abarooma 10:13-15, kubaasa kugarukamu ebibuuzo ebi:
-
Obuheereza bwaitu nibworeka buta ngu nitukunda abataahi?
-
Yehova naareeba ata abarikubuurira amakuru marungi?—Reeba omushororongo 15.
5. Nitukora hamwe na Ruhanga
Hariho bingi ebirikworeka ngu Yehova niwe arikwebembera omurimo gwaitu. Nk’eky’okureeberaho, omuri New Zealand ow’eishe-emwe Paul, eihangwe rimwe arikubuurira enju aha nju akagamba n’omukazi. Akasheeshe ako, omukazi ogwo akashaba Ruhanga arikukoresa eiziina rye Yehova, kandi yaashaba ngu hagire owaija kumubuurira. “Bwanyima y’eshaaha ishatu, nkaba naahikire aha muryango gwe,” nikwo Paul arikugira.
Shoma 1 Abakorinso 3:9, kubaasa kugarukamu ekibuuzo eki:
-
Eby’okureeberaho nk’eki ekyabaireho omuri New Zealand, nibyoreka bita ngu Yehova naayebembera omurimo gw’okubuurira?
Shoma Ebyakozirwe 1:8, kubaasa kugarukamu ekibuuzo eki:
-
Ahabw’enki Yehova aine kutuhwera kubaasa kuhikiiriza obuheereza bwaitu?
Eki waaba nookimanya?
Omu buri ruteerane rw’aha gati ya saabiiti, nitutendekwa kubuurira gye. Ku oraabe oragiireho omu rumwe aha nteerane ezi, nooreeba ota okutendekwa oku?
6. Nitworobera ekiragiro kya Ruhanga eky’okubuurira
Omu kyasha ky’okubanza, abahakanisa bakateeraho kuremesa abakuratsi ba Yesu kubuurira. Abakristaayo ab’okubanza bakarwanirira obugabe bwabo bw’okubuurira barikujuririra amakuru marungi. (Abafilipi 1:7) Abajurizi ba Yehova nibakora nikyo kimwe obunaku obu. a
Shoma Ebyakozirwe 5:27-42, kubaasa kugarukamu ekibuuzo eki:
-
Ahabw’enki tutarikubaasa kurekyera aho kubuurira?—Reeba omushororongo 29, 38, na 39.
OMUNTU NAABAASA KUBUUZA ATI: “Ahabw’enki Abajurizi ba Yehova nibabuurira enju aha nju?”
-
Noobaasa kugarukamu ota?
OMU BUGUFU
Yesu akaragiira abakuratsi be kubuurira makuru marungi omu mahanga goona. Yehova naahwera abantu be kukora omurimo ogu.
Okweijutsya
-
Amakuru marungi nigabuurirwa gata omu nsi yoona?
-
Obuheereza bwaitu nibuhamya buta ngu nitukunda abataahi?
-
Ahabw’enki nooteekateeka ngu okubuurira nikureeta okumarwa?
JUMBURA EBINDI
Reeba oku Abajurizi ba Yehova barikubuurira abantu omu ndembo mpango.
Abajurizi ba Yehova nibabuurira bata empungi?
Yetegyereze okumarwa okurikuruga omu buheereza bw’obutwire.
Yetegyereze oku obusinguzi omu macwero g’emanja bubaasiise amakuru marungi kubuurirwa.
a Ruhanga niwe arikutuha obushoboorozi bw’okubuurira. N’ahabw’ekyo, Abajurizi ba Yehova tikirikubeetengyesa kushaba ab’obushoboorozi orusa, kubaasa kubuurira amakuru marungi.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
