EISHOMO 27
Nitubaasa Kujunwa Tuta Ahabw’okufa kwa Yesu?
Abantu b’okubanza Adamu na Haawa bakagomera Ruhanga, n’ahabw’ekyo nitubonabona, kandi nitufa, ahabw’ekibi. a Kwonka twine amatsiko. Yehova akahayo Omwana we, Yesu Kristo kutucungura omukyeeno gw’ekibi n’okufa. Baibuli neeyegyesa ngu Yesu ku yaafiire akaba ekitambo. Ekitambo n’omuhendo ogurikushashurwa kucungura omuntu. Yesu akahayo omuhendo gw’amagara ge agahikiriire. (Shoma Matayo 20:28.) Yesu ku yaayefeerereize obugabe bwe bw’okutuura omu nsi ebiro byona, akatwiguriraho omuhanda gw’okutunga byona ebi Adamu na Haawa baatufeerereize. Kandi Yesu akooreka ngu we na Ishe nibatukunda munonga. Eishomo eri niriza kukuhwera kwongyera kusiima Yesu ahabw’okukufeera.
1. Okufa kwa Yesu nikubaasa kutugasira kuta obunaku obu?
Ahabw’okugira ngu turi abasiisi, nitukora ebintu bingi ebitarikushemeza Yehova. Kwonka, twayeteisiza kimwe ebibi byaitu, tukashaba Yehova kutusaasira kurabira omuri Yesu Kristo, kandi tukakora ekirikubaasika kutagaruka kukora enshobe ezo, nitubaasa kugira omukago murungi na Ruhanga. (1 Yohaana 2:1) Baibuli neegira eti: “Kristo akabonabonesibwa rimwe ahabw’ebibi yaaheza, ohikiriire ahabw’abatahikiriire, ngu atureete ahari Ruhanga.”—1 Petero 3:18.
2. Omu biro by’omumaisho, nitwija kugasirwa tuta omu kufa kwa Yesu?
Yehova akoohereza Yesu kuhayo amagara ge agahikiriire “ngu omuntu weena orikumwikiriza arekye kuhwerekyerera, kureka atungye amagara agatahwaho.” (Yohaana 3:16) Yehova ari haihi kwihaho ebintu bibi ebyareetsirweho obugomi bw’Adamu, ahabw’okufa kwa Yesu. Eki nikimanyisa ngu twikiririza omu kitambo kya Yesu, nitwija kutunga omugisha gw’okwesiimira amagara ebiro byona omu paradiso omu nsi!—Isaaya 65:21-23.
SHWIJUMA GYE
Yongyera kwetegyereza ahabw’enki Yesu yaahaireyo amagara ge, oreebe n’oku orikugasirwa.
3. Okufa kwa Yesu nikutucungura ekibi n’okufa
Zaana VIDIYO, kubaasa kugarukamu ekibuuzo ekirikukurataho.
-
Adamu akafeerwa mugisha ki ku yaagomiire Ruhanga?
Shoma Abarooma 5:12, kubaasa kugarukamu ekibuuzo eki:
-
Ekibi ky’Adamu nikitukwataho kita?
Shoma Yohaana 3:16, kubaasa kugarukamu ekibuuzo eki:
-
Ahabw’enki Yehova yaayohereize Omwana we omu nsi?
-
Adamu akaba ahikiriire kwonka akagomera Ruhanga, reero yaareetera abantu ekibi n’okufa
-
Yesu akaba ahikiriire, kandi akoorobera Ruhanga kyabaasisa abantu kuza omu muhanda gw’okuhikiirira, n’okwija kutunga amagara agatahwaho
4. Okufa kwa Yesu nikubaasa kugasira abantu boona
-
Okufa kw’omuntu omwe nikubaasa kugasira kuta abantu boona?
Shoma 1 Timoseo 2:5, 6, kubaasa kugarukamu ekibuuzo eki:
-
Adamu akaba ahikiriire, kwonka akareetera abantu ekibi n’okufa. Yesu nawe akaba ahikiriire. Mbwenu shi akaba ata ekitambo ekihikire gye?
5. Ekitambo n’ekiconco eki Yehova yaakuhaire
Banywani ba Yehova nibareeba ekitambo nk’ekiconco eki yaabahaire. Nk’eky’okureeberaho, shoma Abagalatia 2:20, kubaasa kugarukamu ekibuuzo eki:
-
Entumwa Paulo akooreka ata ngu naatwara ekitambo nk’ekiconco eki yaahairwe?
Adamu ku yaasiisire, we na baijukuru be boona bakagibwaho orubanja rw’okufa. Kwonka Yehova akoohereza Omwana we kufa, kugira ngu otungye amagara agatahwaho.
Waaba nooshoma emishororongo egi, teera akashushani oku Yehova yaayehuriire arikureeba Omwana we arikubonabona. Shoma Yohaana 19:1-7, 16-18, kubaasa kugarukamu ekibuuzo eki:
-
Nooyehurira ota ahabw’eki Yehova na Yesu baakukoreire?
OMUNTU NAABAASA KUBUUZA ATI: “Omushaija omwe naabaasa ata kufeera abantu boona?”
-
Noobaasa kugarukamu ota?
OMU BUGUFU
Okufa kwa Yesu nikuha Yehova ah’okwihirira kutusaasira ebibi byaitu, kandi nikutuha n’omugisha gw’okutunga amagara agatahwaho.
Okweijutsya
-
Ahabw’enki Yesu yaafiire?
-
Ni mu muringo ki ogu amagara ga Yesu gaabaire ekitambo ekihikire?
-
Okufa kwa Yesu nikubaasa kukugasira kuta?
JUMBURA EBINDI
Manya ahabw’enki amagara ga Yesu agahikiriire nigeetwa ekitambo.
“Ekitambo kya Yesu ‘Nikicungura Baingi’ Kita?” (Eky’aha mukura)
Teeraho kumanya eki twine kukora kubaasa kucungurwa.
Yehova shi naasaasira n’abaakozire ebibi by’amaani?
“Ebibuuzo ebi Baibuli Erikugarukamu” (Omunaara gw’Omurinzi, Mei 1, 2013)
Reeba oku omushaija yaahindwire emitwarize ye ahabw’okwega aha kitambo kya Kristo.
a Ekibi tikirikumanyisa okukora ekintu kibi kyonka. Nikitwariramu n’obutahikiirira obu twahungwire.
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
