AHABW’ENKI NI KIKURU: Byona Ebi Turikukoresa omu Kwegyesa Abantu Baibuli nibituhwera kuza aha jw.org. Kandi, omugasho mukuru gwa kaada ya jw.org na turakiti Nitubaasa Kwiha Nkahi eby’Okugarukamu by’Ebibuuzo Ebikuru? n’okuhwera abantu kuza aha mukura gwaitu. Noobaasa kuha omuntu bimwe aha Bi Turikukoresa omu Kwegyesa Abantu Baibuli orikukoresa jw.org. Eki nikibaasa kuhwera na munonga waaba noobuurira omuntu orikugamba orurimi orundi. Kandi, abantu nibabaasa kubuuza ebibuuzo ebirikugarukwamu ebindi bitabo ebitari bimwe aha Bi Turikukoresa omu Kwegyesa Abantu Baibuli. Twaba nitubaasa kukoresa gye omukura gwaitu, nitwongyera kubuurira gye.

OKU TURIKUBAASA KUKIKORA:

• Koresa ekicweka “BIBLE TEACHINGS”. Ka tugire ngu oriyo noobuurira omuzaire orikwenda obuhabuzi aha kworora abaana. Za aha BIBLE TEACHINGS > MARRIAGE & FAMILY.

• Koresa ekicweka “EBIRIHO”. Ka tugire ngu oriyo noobuurira kitaraariire aha ishomero kandi nooyenda kugaaniira n’omwegi mugyenzi waawe aha biri omu katabo Eby’okugarukamu 10 eby’Ebibuuzo Ebi Eminyeeto Barikubuuza. Za aha EBIRIHO > EBITABO NA OBUTABO.

• Koresa ekicweka “ABOUT US”. Ka tugire ngu oriyo noobuurira omukozi mugyenzi waawe orikwenda kushoma omu bugufu aha bi turikwikiriza. Za aha ABOUT US > FREQUENTLY ASKED QUESTIONS.

MUREEBE VIDIYO OKUKORESA JW.ORG, REERO MUGAMBE AHU MURIKUBAASA KUZA AHA MUKURA KUHWERA:

• omuntu otarikwikiririza omuri Ruhanga

• omuntu ohikirweho akabi nari otungire oburemeezi

• ow’eishe-emwe nari munyaanyazi-itwe otakibuurira

• omuntu ou waagarukira orikwenda kumanya oku omurimo gwaitu gurikwemerezibwaho

• omuntu kuruga omu ihanga erindi orikwenda kuza omu ruteerane omu ihanga rye