EBI ABAKRISTAAYO TWINE KUKORA
Ijuka Muka Looti
Ahabw’enki muka Looti yaareebire enyima obu yaabaire naahunga arikuruga Sodoma? Baibuli terikuha ky’okugarukamu. (Kut 19:17, 26) Ebiri omu kurabura kwa Yesu nibyoreka ngu naabaasa kuba yaayetengire ebi yaatsigiire enyima. (Luk 17:31, 32) Nitubaasa kwetantara tuta ebirikushiisha omukago gwaitu na Yehova nka muka Looti? Ti twine kwebembeza okusherura eby’obutungi. (Mat 6:33) Yesu akeegyesa ngu ‘titurikubaasa kuheereza Ruhanga’ n’Eby’obutungi. (Mat 6:24) Kwonka shi ku twakumanya ngu eby’obutungi bitandikire kutureetera kuruga aha by’omwoyo? Nitubaasa kushaba Yehova kutuha obwengye kubaasa kureeba ahu twine kukora empindahinduka kandi atuhe obumanzi n’amaani kukikora.
MWIJUKYE EBIRI OMU VIDIYO Y’EBICWEKA BISHATU IJUKA MUKA LOOTI, REERO MUGARUKEMU EBIBUUZO EBI:
-
Nimbaasa kworeka nta omu bikorwa byangye ngu ‘ninyijuka muka Looti’?
Okugyemeserezibwa kukora esente nyingi kikahindura kita ebiteekateeko, ebigambo, n’ebikorwa bya Gloria?
-
Eky’okureeberaho kya muka Looti nikiturabura kita obunaku obu?
-
Joe n’eka ye bakahwerwa bata emisingye ya Baibuli?
-
Banywani ba Anna aha murimo bakamureetera bata kushiisha omukago gwe na Yehova?
-
Ahabw’enki nitwetenga obumanzi twaba nitugyemeserezibwa kwebembeza okusherura esente?
-
Brian na Gloria bakabaasa bata kugaruka kwebembeza eby’omwoyo?
-
Ni misingye ki ya Baibuli erikworekwa omu Vidiyo egi?
