Ekibuuzo: Za vidiyo na puroguraamu z’aha TV, obunaku obu nizikira kworeka abantu abaine amaani agatari ga butoosha—nk’abarikwejumba omu by’obufumu, na zaavampaya. Iwe nooteekateeka ki? Ebintu ebi ti by’akabi, nari harimu akabi akatarikureebwa?

Okugaba AWAKE!: Awake! egi neeyoreka ahabw’enki abantu nibashemezibwa amaani agatari ga butoosha hamwe n’obukomooko bwago.

Ekibuuzo: Obukama bwa Ruhanga nibwija kumaraho buta oburemeezi oburi omu nsi?

Ekyahandiikirwe: Mat 6:10

Amazima: Obukama bwa Ruhanga nibwija kureetaho obusingye, okukwatanisa, n’oburinzi omu nsi—nk’oku bwaherize kukora omu iguru.

Ekibuuzo: [Gamba aha kibuuzo eki muraagaaniireho waagarukayo ekiri enyima ya turakiti.] Ni mbeera ki eziraabeho omu nsi Obukama bwa Ruhanga ku buraabe nibutegyeka?

Ekyahandiikirwe: Zab 37:29; Isa 65:21-23

Eky’okugaba: [Mworekye akatabo Amakuru Marungi.] Eishomo 7 ry’akatabo aka niryoreka eki ebiraganiso ebi birikubaasa kumanyisa ahariwe naanye. [Tandika kwegyesa omuntu Baibuli orikukoresa akatabo aka.]