Okutandika n’omwaka ogu, nitwija kwongyera kugira obwire bw’okutebeekanisiza Ekiijutsyo. Ekiijutsyo kyaba nikiza kubaho ahagati ya saabiiti, titurikwija kugira oruteerane rw’Obuheereza Bwaitu n’Oku Turikutwaza. Ekiijutsyo kyaba nikiza kubaho aha wiikenda, titurikwija kugira orubazo rwa boona n’Okwega Omunaara gw’Omurinzi. Noija kuteeraho kukoresa gye obwire obwo? Nk’oku kyabaire kiri omu kyasha ky’okubanza, twine kutebeekanisiza omukoro mukuru ogu. (Luk 22:7-13; km 3/15 1) Kandi twine n’okutebeekanisa emitima yaitu. Ekyo nitubaasa kukikora tuta?

• Teekateeka aha bukuru bw’okuba aha Kiijutsyo.​—1Kor 11:23-26

• Shaba kandi oteekateeke aha mukago gwawe na Yehova.​—1Kor 11:27-29; 2Kor 13:5

• Shoma kandi oteekateeke aha Byahandiikirwe n’ebiri omu bitabo byaitu ebirikugamba aha Kiijutsyo.​—Yoh 3:16; 15:13

Ababuurizi abamwe nibashoma kandi bateekateeka aha Byahandiikirwe ebirikukwata aha Kiijutsyo ebiri omu katabo Okushwijuma Ebyahandiikirwe Buri Izooba. Abamwe nibashoma Ebyahandiikirwe ebiri omu entebeekanisa eri ahaifo. Kandi abandi nibashwijuma ebicweka ebiri omu Omunaara gw’Omurinzi ebirikugamba aha Kiijutsyo n’ahari rukundo ei Yehova na Yesu baatugirire. Kyona eki oraacwemu kwegaho, ka kikuhwere kwongyera kwirira haihi na Yehova n’Omwana we.