Obu Paulo na Siila baabaire bari omu kihome bakahimbisa Yehova barikweshongora. (Byak 16:25) Hatariho kubangaanisa okweshongora kukabahwera kugumisiriza. Kandi shi omu bunaku obu? Ebyeshongoro ebi turikukoresa omu nteerane zaitu n’ebyeshongoro byaitu ebihimbirwe nibibaasa kutugaruramu amaani kandi bituhwere kuguma turi abeesigwa twahikwaho okugyezibwa. Kandi okukira munonga, nibihimbisa Yehova. (Zab 28:7) Tukahigwa kuteeraho kukwata ebigambo by’ebyeshongoro ebisya kyaba nikibaasika. Waateireho kukora ekyo? Nitubaasa kukoresa okuramya kw’eka kwegyeza omu byeshongoro kandi tukakwata n’ebigambo byabyo.

MUREEBE VIDIYO ABAANA NIBAHIMBISA YEHOVA BARIKWESHONGORA, REERO MUGARUKYEMU EBIBUUZO EBI:

• Okweshongora ebyeshongoro by’Obukama nikitureetera kwehurira tuta?

• Abarikukora aha kukwata amaraka na vidiyo nibatebeekanisa bata kukwata amaraka g’abaana?

• Abazaire n’abaana nibatebeekanisa bata kuza kweshongora?

• Ni byeshongoro ki eby’Obukama ebi orikukira kukunda, kandi ahabw’enki?