AHABW’ENKI KIRI KIKURU: Abashukirweho amajuta n’ab’entaama ezindi nibeeta abantu b’emiringo yoona ‘kutwarira busha amaizi g’amagara.’ (Kush 22:17) Amaizi aga ag’akamanyiso nigajwekyera byona ebi Yehova arikutuha ebiraabaasise abantu kucungurwa kuruga omu kibi n’okufa. Kubaasa kuhwera abantu abaine emigyenzo n’enyegyesa z’ediini ebitarikushushana, twine kwanjura ‘amakuru g’ebiro n’ebiro’ omu muringo ogurikushemeza buri muntu.​—Kush 14:6.

OKU TURIKUBAASA KUKIKORA:

• Toorana eki oraagambeho n’ekyahandiikirwe ebirikubaasa kukwata aha mitima y’abantu omu kicweka kyanyu. Noobaasa kutoorana aha bi turikubaasa kugaaniiraho nari okorese enyanjura ei oreebire neekora gye. Ni nshonga ki n’ebyahandiikirwe ebi abantu barikukunda? Hariho ekibaireho omu makuru eki abantu barikugambaho? Ni nyanjura ki erikubaasa kushemeza omushaija nari omukazi?

• Noobaasa kuramukanya omu muringo ogu abantu omu kicweka kyanyu barikukira kuramukanyamu.​—2Kor 6:3, 4

• Teeraho kumanya ebitabo na vidiyo ebiri omu Ebi Turikukoresa omu Kwegyesa Abantu Baibuli kubaasa kuhwera orikwenda kumanya ebirikukiraho

• Iha aha mukura ebiri omu ndimi ezi abantu abu orikubaasa kushanga omu kubuurira barikugamba

• Hindura omu nyanjura yaawe kuhikaana n’embeera y’ou orikubuurira. (1Kor 9:19-23) Nk’eky’okureeberaho, noobaasa kugamba ahari ki waamanya ngu ou orikubuurira omu bwire bukye abaire afeereirwe?

MUREEBE VIDIYO, REERO MUGARUKYEMU EBIBUUZO EBI:

• Omubuurizi akatandika arikugamba ahari ki n’ou yaabaire naabuurira?

• Ou yaabaire naabuurira akaba ari mu mbeera ki?

• Ni kyahandiikirwe ki ekyabaire nikibaasa kukora gye omu mbeera egi, kandi ahabw’enki?

• Noohindura ota omu nyanjura zaawe kugira ngu zihikaane n’embeera y’abantu omu kicweka kyanyu eky’okubuuriramu?