Ebihangirwe nibihimbisisa Yehova. (Zab 19:1-4; 139:14) Kwonka, ensi y’Omuregi neereetaho enyegyesa ezitari kuhimbisa Ruhanga aha ku amagara gaatandikire. (Rom 1:18-25) Noobaasa kuzibira ota emiteekateekyere nk’egyo kutaaha omu biteekateeko n’omu mitima y’abaana baawe? Bahwere bakiri bato kugira okwikiriza ngu Yehova ariho kandi ngu naabafaho. (2Kor 10:4, 5; Efe 6:16) Manya eki barikuteekateeka aha bi barikwegyesibwa aha ishomero, kandi koresa ebikoreso bingi ebituhairwe kuhika abaana baawe aha mitima.—Enf 20:5; Yak 1:19.

MUREEBE VIDIYO EKI AB’ORWINGANO RWAWE BARIKUGAMBA—OKWIKIRIRIZA OMURI RUHANGA, REERO MUHIKAANISE EBITEEKATEEKO AHA BIBUUZO EBI:

• Ni mugane ki ogurikukira kugambwa aha kwikiririza omuri Ruhanga?

• Omu ishomero ryawe nibeegyesa ki?

• Niki ekirikukuhamiza ngu buzima Yehova ariho?

• Noobaasa kuhwera ota omuntu kwetegyereza ngu Ruhanga akahanga ebintu byoona?