Amatsiko gari nk’ekitsibo. (Heb 6:19) Nigatuhwera kwetantara kuhwa amaani omu by’omwoyo twahikwaho embeera ezigumire. (1Tim 1:18, 19) Embeera ezo ezigumire nizitwariramu omuntu kuhwamu amaani, okufeerwa eby’obutungi, endwara etarikukira, okufeerwa omukundwa, nari ekindi kintu kyona ekirikugyeza obwesigwa bwaitu.

Okwikiriza n’amatsiko nibitubaasisa kureeba gye ekiconco ekyaraganisiibwe. (2Kor 4:16-18; Heb 11:13, 26, 27) N’ahabw’ekyo, yaaba amatsiko gaitu n’ag’okutuura omu iguru nari omu nsi, twine kuguma nitugahamiza kimwe butoosha turikuteekateeka aha biraganiso ebiri omu Kigambo kya Ruhanga. Twahikwaho okugyezibwa, nikiija kutworobera kuguma twine okushemererwa.—1Pet 1:6, 7.

REEBA VIDIYO MUSHEMERERWE MWINE AMATSIKO, REERO MUGARUKYEMU EBIBUUZO EBI:

• Ahabw’enki Musa ari eky’okureeberaho kirungi eki twine kutooreza?

• Ni bujunaanizibwa ki obu emitwe y’amaka baine?

• Ni bintu ki ebi murikubaasa kugambaho omu Kuramya kw’Eka Kwanyu?

• Amatsiko nigabaasa kukuhwera gata kwemera oburemeezi oine obumanzi?

• Niki eki oiniire ekihika kureeba?