Obu Yesu yaabaire ari omu nsi, akahamisiriza ekiragiro eki: “Otiine sho na nyoko.” (Kur 20:12; Mat 15:4) Yesu taratiinire kugamba ebigambo ebi ahakuba n’obu yaabaire ari omunyeeto “akaguma naayorobera” abazaire be. (Luk 2:51) Yesu ku yaakuzire, akahamya ngu bwanyima y’okufa kwe, nyina akaba naija kuguma naareebererwa.​—Yoh 19:26, 27.

Nikyo kimwe n’obunaku obu, Abakristaayo eminyeeto abarikworobera abaizire baabo kandi bakagamba nabo omu muringo murungi nibooreka ngu nibabaha ekitiinisa. Ekiragiro ky’okworobera abazaire baitu tikiine bugarukiro. N’obu abazaire baitu baakukaikura, tushemereire kugumizamu nitubaha ekitiinisa turikugasirwa omu bwengye bwabo. (Enf 23:22) Kandi nitworeka ngu nituha abazaire baitu abakaikwire ekitiinisa turikubareeberera omu nyehurira n’omu by’esente ahu kirikwetengyesa. (1Tim 5:8) Yaaba turi bato nari bakuru, okuguma nituhurizana n’abazaire baitu nikyo kiraatuhwera kubaha ekitiinisa.

MUREEBE VIDIYO Y’EBISHUSHANI BYA KATUUNI NIMBAASA KUGAMBA NTA N’ABAZAIRE BANGYE? REERO MUGARUKEMU EBIBUUZO EBI:

• Ahabw’enki nikibaasa kukugumira kugamba n’abazaire baawe?

• Nimbaasa kuha nta abazaire bangye ekitiinisa naaba ningamba nabo?

• Ahabw’enki ni kikuru kugamba n’abazaire baawe? (Enf 15:22)