AHABW’ENKI NI KIKURU: ‘Enaama z’omu mutima gw’omuntu ku ziraabe ziri nk’amaizi maingi,’ ebibuuzo biri nk’ekintu eki orikubaasa kukoresa kuzihamu. (Enf 20:5) Ebibuuzo nibituhwera kuhikaanisa ebiteekateeko n’abatuhurikiize. Twaakoresa gye ebibuuzo nikituhwera kwetegyereza eki omuntu arikuteekateeka. Yesu akakoresa gye ebibuuzo. Nitubaasa kumutooreza tuta?

OKU TURIKUBAASA KUKIKORA:

• Buuza ebibuuzo ebiraakuhwere kumanya eki barikuteekateeka. Yesu akaba akoresa gye ebibuuzo kubaasa kumanya eki abeegi be barikuteekateeka. (Mat 16:13-16; be-E 238 kacw. 3-5) Ni bibuuzo ki ebi orikubaasa kubuuza kumanya eki omuntu arikuteekateeka?

• Buuza ebibuuzo ebiraamuhwere kumanya ekihikire. Yesu kubaasa kuhabura Petero, akamubuuza ebibuuzo kandi yaaha n’eby’okugarukamu ebyahwereire Petero kumanya ekihikire. (Mat 17:24-26) Ni bibuuzo ki ebi orikubaasa kubuuza kuhwera omuntu kumanya ekihikire?

• Siima okuhurikiirize. Bwanyima y’omuhandiiki ‘kugarukamu n’okwetegyereza,’ Yesu akamusiima. (Mak 12:34) Noobaasa kusiima ota omuntu yaagarukamu ekibuuzo?

MUREEBA EKICWEKA KY’OKUBANZA KYA VIDIYO KORA OMURIMO OGU YESU YAAKOZIRE​—YEGYESA, REERO MUGARUKEMU EBIBUUZO EBI:

• N’obu ebi yaaba naayegyesa byaba bihikire, ahabw’enki eki kyaba eky’okureeberaho kibi?

• Ahabw’enki twine kukora ekirikukira aha kushoboorora ebi turikugambaho?

MUREEBA EKICWEKA KYA KABIRI KYA VIDIYO, REERO MUGARUKEMU EBIBUUZO EBI:

• Ow’eishe-emwe yaakoresa gye ata ebibuuzo?

• Ni miringo ki endiijo ei yaakoresa ei turikubaasa kutooreza?