Abazaire abarikworobera Ruhanga baine ekihika ky’okureeba abaana baabo nibaba abaheereza ba Yehova abeesigwa. Abazaire nibabaasa kuhwera abaana baabo kuba abeesigwa babeegyesa enyegyesa za Baibuli bakabahika aha mutima kuruga omu buto. (Bir 6:7; Enf 22:6) Mbwenu shi eki nikyetengyesa okwefeerereza? Eego buzima! Kwonka ebirungi ebirikurugamu ni bingi.​—3Yoh 4.

Abazaire nibabaasa kwegyera bingi ahari Yosefu na Mariamu. “Bakaba baza Yerusaalemu buri mwaka aha bugyenyi bw’Okuhingurwaho” n’obu eki kyabaire nikyetengyesa kukora n’amaani n’esente. (Luk 2:41) Yosefu na Mariamu, bakaba nibeebembeza eby’omwoyo omu ka yaabo. Omu muringo nigwo gumwe, abazaire obunaku obu nibabaasa kuhwera abaana baabo barikubeegyesa omu bigambo kandi bakabateeraho eky’okureeberaho.​—Zab 127:3-5.

MUREEBE VIDIYO BAKAKORESA BURI MUGISHA, REERO MUGARUKYEMU EBIBUUZO EBI:

• Jon na Sharon Schiller bakeebembeza bata eby’Obukama kandi barikureeberera eka yaabo?

• Ahabw’enki abazaire bashemereire kwegyesa kandi bakahabura abaana baabo kurugiirira aha byetengo bya buri mwana?

• Abazaire nibabaasa kuhwera bata abaana baabo kwemera ebirikugyeza okwikiriza kwabo?

• Ni bikoreso ki ebi ekibiina kya Yehova kituhaire ebi okoreise kuhwera abaana baawe kutunguuka omu by’omwoyo?