AHABW’ENKI KIRI KIKURU: Okweyegyesa Ekigambo kya Ruhanga nikituhwera kumanya ‘oburaingwa, obukiika, obwemi, n’obukiizi’ bw’amazima. (Efe 3:18) Kandi nikituhwera kuguma tutaine kamogo omu nsi egi embi n’okuguma tuhamiire aha “kigambo ky’amagara.” (Fil 2:15, 16) Okweyegyesa Ekigambo kya Ruhanga nikutuha omugisha gw’okwetooranira ebi turikwenda kwegaho. Nitubaasa kwongyera kugasirwa tuta omu kweyegyesa Baibuli?

OKU TURIKUBAASA KUKIKORA:

• Ta akamanyiso aha byahandiikirwe kandi ohandiike enshonga enkuru omu Baibuli yaawe ey’okweyegyesa eteirwe nari ey’aha simu nari aha tabuleti yaawe

• Yebuuze ebibuuzo ebi waaba nooshoma Ekigambo kya Ruhanga: ‘Oha? Niki? Ryari? Nkahi? Ahabw’enki? Kita?’

• Tunga obuhame obuhikire. Koresa ebirikutuhwera omu kucondooza ebi twine, sherura omutwe nari ekyahandiikirwe

• Teekateeka aha bi orikushoma kubaasa kwetegyereza oku birikubaasa kukuhwera

• Butoosha gyendera aha bi orikwega.​—Luk 6:47, 48

MUREEBE VIDIYO GUMA OHAMIRE​—ORIKWEYEGYESA GYE, REERO MUGARUKYEMU EBIBUUZO EBI:

• Abamwe nibashoboorora bata okweyegyesa?

• Ahabw’enki twine kutandika n’okushaba burikuza kweyegyesa?

• Niki ekirikubaasa kutuhwera kwetegyereza ebi turikushoma omu Baibuli?

• Ni bumanyiso ki obu turikubaasa kuta omu Baibuli yaitu ei turikweyegyesezamu?

• Ahabw’enki okuteekateeka kuri kukuru munonga twaba nitushoma Ekigambo kya Ruhanga?

• Ebi turikwega twine kubikoresa ki?