Yehova akahwera abooro ab’omuri Israeli eya ira. Omu bwire obu naahwera ata abaheereza be abooro?

• Naatwegyesa oku turikubaasa kugira emiteekateekyere eringaniire aha sente.​—Luk 12:15; 1Tim 6:6-8

• Naatuhwera kweha ekitiinisa.​—Yob 34:19

• Naatwegyesa kukora n’amaani n’okwetantara emize mibi.​—Enf 14:23; 20:1; 2Kor 7:1

• Atureetsire omu kibiina Ekikristaayo ekirimu ab’eishe-emwe abarikukundana.​—Yoh 13:35; 1Yoh 3:17, 18

• Naatuha amatsiko.​—Zab 9:18; Isa 65:21-23

N’obu twakuba turi omu mbeera egumire, titwine kwerarikirira. (Isa 30:15) Twaguma nitwebembeza Obukama bwa Yehova, naija kutuha byona ebirikwetengyesa.​—Mat 6:31-33.

MUREEBE VIDIYO RUKUNDO TERIKUREMWA N’OBU HAAKUBAHO . . . OBWORO​—CONGO, REERO MUGARUKYEMU EBIBUUZO EBI:

• Ab’eishe-emwe abarikutuura haihi n’emyanya ahu barikugirira enteerane empango bakabaasa kworeka bata ab’eishe-emwe obufura abaarugire omu bicweka bya hare?

• Vidiyo egi neetwegyesa ki ahari rukundo ei Yehova ainiire abooro?

• Nitubaasa kutooreza tuta Yehova n’obu twakuba twine ebintu bingi nari bikye?