Esaasi nikimanyisa okwetegyereza emiteekateekyere, enyehurira, emitwarize n’ebyetengo by’abandi. Twagirira abantu esaasi nibakimanya. Twaba nitwenda kubahwera, nikituhwera kubagirira esaasi. Twagirira abandi esaasi omu kubuurira, nitutooreza Yehova oine rukundo kandi orikufayo, kandi eki nikibareetera kwenda kumwirira haihi.​—Fil 2:4.

Titurikugirira abandi esaasi twaba nitubeegyesa kyonka kureka nitworeka ngu twine esaasi turikuhurikiza gye, turikugamba omu muringo murungi, turikukoresa gye ebicweka byaitu by’omubiri n’endeebeka y’aha maisho ehikire. Nitworeka ngu twine esaasi turikufayo aha bandi. Nituteeraho kwetegyereza ebi barikukunda, ebi barikwikiriza, n’embeera zaabo. Nitubaha obuhabuzi kandi tubahwera kwonka titurikubagyemesereza kukora empindahinduka. Abu turikwegyesa ku barikwikiriza obuhwezi bwaitu, nikitureetera kwongyera kushemererwa.

MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI​—YONGYERA KUBUURIRA GYE—​OKUGIRIRA ABANDI ESAASI, REERO MUGARUKYEMU EBIBUUZO EBI:

• Neeta akooreka ata ngu aine esaasi Jade ku yaakyerereirwe?

• Neeta akooreka ata ngu aine esaasi Jade ku yaamugizire ngu aine amaganya tarikubaasa kwega?

• Neeta akooreka ata ngu aine esaasi Jade ku yaagizire ngu tarikumanya kutebeekanisa gye ebintu?