Omu Baibuli harimu eby’okureeberaho by’okushaba oku Yehova yaagarukiremu. Abaheereza ba Yehova ku baareebire oku yaagarukiremu okushaba kwabo kandi akabahwera, hatariho kubangaanisa okwikiriza kwabo kukahama. N’ahabw’ekyo, nikiba kiri kirungi kushaba kyenyine eki orikwenda, reero okateeraho kureeba oku Yehova araakugarukyemu. Ijuka ngu oku arikugarukamu okushaba nikubaasa kutaana aha ku orikuteekateeka nari akuhe ekirikukira aha ki waamushaba. (2Kor 12:7-9; Efe 3:20) Yehova naabaasa kugarukamu ata okushaba kwaitu?

• Naabaasa kutuhwera omu by’omubiri, omu nyehurira, nari atuhwera kuhama omu by’omwoyo kugira ngu tubaase kusingura oburemeezi bwaitu.—Fil 4:13

• Naabaasa kutuha obwengye kucwamu gye.—Yak 1:5

• Naabaasa kutuhwera kugira okukunda n’amaani g’okukora.—Fil 2:13

• Naabaasa kutuhwera kwikaikana twaba twerarikirire.—Fil 4:6, 7

• Naabaasa kukoresa abandi kutuhwera omu byetengo byaitu by’omubiri nari kutuhuumuriza n’okutugaruramu amaani.—1Yoh 3:17, 18

• Naabaasa kuhwera abu turikushabira.—Byak 12:5, 11

MUREEBE VIDIYO YEHOVA ‘NAAHURIRA OKUSHABA,’ REERO MUGARUKYEMU EBIBUUZO EBI:

• Eky’okureeberaho ky’Ow’eishe-emwe Shimizu nikibaasa kutuhiga kita twaba tutarikubaasa kukora bingi ahabw’amagara mabi?

• Nitubaasa kutooreza tuta Ow’eishe-emwe Shimizu?