Ebigyendererwa by’omwoyo nibitwariramu byona ebi turikuteeraho kuhikiiriza kugira ngu twongyere kuheereza Yehova kandi tukore ebirikumushemeza. Nibituhwera kutunguuka omu mazima kandi nitugasirwa twayefeerereza obwire bwaitu n’amaani gaitu. (1Tim 4:15) Ahabw’enki twine kuguma nitushwijuma ebigyendererwa byaitu butoosha? Ahabw’okuba embeera nizihinduka. Noobaasa kuba obaire oine ekigyendererwa eki otakibaasa kuhikiiriza, nari waaherize kukihikiiriza orikubaasa kutaho ekindi.

Omwaka musya gw’obuheereza gwaba guri haihi kutandika, nibwo bwire burungi bw’okushwijuma ebigyendererwa byawe. Nimubaasa kugaaniira aha nshonga egi omu kuramya kwanyu kw’eka kandi buri omwe ayeteereho ebigyendererwa hamwe n’eby’eka yoona.

Oine bigyendererwa ki omu bintu ebi kandi nooteekateeka kukora ki kubihikiiriza?