Nituba twine kwitiirira embibo z’amazima ezi turikubyara. (1 Kor 3:6) Waatunga orikwenda kumanya ebirikukiraho, ni kirungi kumutsigira ekibuuzo ky’okuhikaanisaho ebiteekateeko waagarukayo. Eki ni kiija kumuhiga kugira ekihika kandi kituhwere kumanya ebi turaatebeekanise twaza kugarukayo. Waagarukayo, noobaasa kumugira ngu waija kugarukamu ekibuuzo eki waamutsigiire.

• Waaba nootebeekanisa enyanjura y’okukoresa omu kubuurira enju aha nju, tebeekanisa n’ekibuuzo eki muraagaaniireho waagarukayo. Noobaasa kukiiha omu katabo aku orikuza kugaba. Nari noobaasa kukoresa ekibuuzo ekiri omu katabo akandi aku orikuteekateeka kukoresa waagarukayo.

• Waaheza kubuurira omuntu, mumanyise ku orikwenda kugaruka kumutaayaayira reero omugambire ekibuuzo eki muraije kugaaniiraho eki otebeekaniise. Kyabaasika omushabe endagiriro ye.

• Mwakora entebeekanisa, teeraho kukwata eshaaha ezi mwaikirizanaho.—Mat 5:37.