Zimwe aha Nyanjura
OMUNAARA GW’OMURINZI
Ekibuuzo: Nooteekateeka ngu ensi neebaasa kuba nungi buri omwe yaagyendera aha musingye ogu?
Ekyahandiikirwe: Heb 13:18
Okugaba Omunaara gw’Omurinzi: Baibuli neetuhiga kuba abeesigwa omu bintu byona. N’ahabw’ekyo okuba abeesigwa omuri byona ebi turikukora ni kikuru. Omunaara ogu nigushoboorora aha bwesigwa.
OMUNAARA GW’OMURINZI (enyima yaagwo)
Ekibuuzo: Ekibuuzo eki noobaasa kukigarukamu ata? [Shoma ekibuuzo ky’okubanza.] Abantu abamwe nibaikiriza ngu ku turikufa nitugumaho kwonka omu muringo ogundi, kandi abandi nibagira ngu omuntu ku arikufa nigwo muheru. Iwe nooteekateeka ki?
Ekyahandiikirwe: Mub 9:5
Okugaba Omunaara gw’Omurinzi: Ekicweka eki nikyongyera kushoboorora eki Baibuli erikwegyesa aha nshonga egi. Teeraho kukishoma reero twije tukigaaniireho obundi.
AMAKURU MARUNGI KURUGA AHARI RUHANGA!
Okugaba akatabo aka: Naija aha kukugambira ngu nitwegyesa abantu Baibuli hatariho kushashura. Akatabo aka nikooreka ahu orikubaasa kwiha eby’okugarukamu by’ebibuuzo ebikuru omu Baibuli yaawe.
Ekibuuzo: Nookira kushoma Baibuli? Ka nkworekye oku kyorobi kushoma Baibuli orikukoresa akatabo aka. [Za aha kibuuzo 1 omu ishomo 2.]
Ekyahandiikirwe: Kush 4:11
TEBEEKANISA ENYANJURA EYAAWE
Koresa eby’okureeberaho ebikuhairwe aharuguru kutebeekanisa enyanjura eyaawe.
